Τα πράσινα, τα γαλανά τ’ ομμάτια σ’

Προβολή Τραγουδιού

Στιχουργοί: Κώστας Κωνσταντινίδης, Μιχάλης Καλιοντζίδης

Καλλιτέχνες: Θεόδωρος Βεροιώτης, Κώστας Καραπαναγιωτίδης

Τα πράσινα, τα γαλανά
τ’ ομμάτα̤ σ’ ποδεδίζω
Και με τη ψ̌ης ι-μ’ το κοντύλ’
κάθουμαι ζωγραφίζω

Σεράντα αγριολούλουδα
εξέγκα ας σο χώμαν
για να ευτάγω, νε πουλί μ’,
και τ’ ομματί’ σ’ το χρώμαν

Τον ουρανόν ση θάλασσαν,
πουλί μ’, αν πατουρεύ’νε
Ευτάνε διπλοχρώματα
σ’ ομμάτα̤ σ’ να ιεύ’νε

Λόγια ’κ’ ευρήκω, πουλόπο μ’,
τ’ ομμάτα̤ σ’ να κουρφίζω
Πέει με ντό χρώμαν έχ’νε ατα
εγώ να ζωγραφίζω

Γλωσσάρι

Κείμενο	Επεξήγηση	Ετυμ. Ρίζα
ατα	αυτά
εξέγκα	έβγαλα
ευρήκω	βρίσκω
ευτάγω	κάνω, φτιάχνω	εὐθειάζω
ευτάνε	κάνουν, φτιάχνουν	εὐθειάζω
έχ’νε	έχουνε
ιεύ’νε	ταιριάζουν	uymak
’κ’	δεν	οὐκί<οὐχί
κουρφίζω	παινεύω
ομμάτα̤	μάτια
ομματί’	ματιού
πατουρεύ’νε	εμβυθίζουν, πνίγουν, μτφ. καταστρέφουν μτφ. χρεωκοπούν	batırmak
πέει	(προστ.) πες
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
πουλόπο	πουλάκι
σεράντα	σαράντα
ψ̌ης	ψυχής

Προβολή Τραγουδιού

Τα πράσινα, τα γαλανά τ’ ομμάτι͜α σ’