Ποντιακός Στίχος

Προβολή Τραγουδιού

Κατεβάστε τους στίχους σε PDF

Ο πίτικον/Τα μαλλία μ’ έσπρυναν

Ν’ αηλί που ’κ’ ευρέθενΝ’ αηλί που ’κ’ ευρέθεν

Στιχουργοί: Κωστίκας Τσακαλίδης, Χρύσανθος Θεοδωρίδης

Συνθέτες: Κωστίκας Τσακαλίδης, Χρύσανθος Θεοδωρίδης

Καλλιτέχνες: Κώστας Καραπαναγιωτίδης, Νίκος Ιωαννίδης


Έχω έναν τρανόν σεβντάν
απέσ’ σην καρδι͜ά μ’
Ατό έν’ το φως ι-μ’
κι όλεν η χαρά μ’

Ατό δί’ με ελπίδαν,
δί’ με και φτερά
Όλι͜α ανασπάλλω
όταν έν’ σουμά μ’

Έλα, έλα, πουλόπο μ’,
τ’ εμόν το σ̌ο̤χρετόπον
Το λαλαχ̌άρ’ τ’ αρνόπο μ’
να λελεύ’ ατο!

Έλα, έλα, πιτίκον,
ασ’ όλεν το μικρίκον
Τ’ εμόν το λαλαχ̌άρ’κον
ποδεδίζ’ ατο!

Έν’ ο θησαυρός ι-μ’
σον κόσμον απάν’
Ο κύρ’ς ατ’ να χάται,
να ’φτάει παλαλά

Όλι͜α τα χατίρι͜α τ’
ευτάγω εγώ
Τ’ εμόν τον πιτίκον
να λελεύ’ ατον

Έλα, έλα, πουλόπο μ’,
τ’ εμόν το σ̌ο̤χρετόπον
Το λαλαχ̌άρ’ τ’ αρνόπο μ’
να λελεύ’ ατο!

Έλα, έλα, πιτίκον,
ασ’ όλεν το μικρίκον
Τ’ εμόν το λαλαχ̌άρ’κον
ποδεδίζ’ ατο!

♫

Τα μαλλία μ’ έσπρυναν
ατό πα τέρτ’ ’κ’ ευτάγω
Με τα μαύρα έρθα εγώ
και με τ’ άσπρα θα πάγ̆ω

Πη γερὰ  -ν- ας αποθάν’
να μη τυραννίεται
Όσον πάει σα βάσανα
το κορμίν ατ’ λύεται

Εβδομήντα αν δι͜αβαίν’
αηλί π’ εύρεν το κακόν
’Κ’ επορεί να πορπατεί
αν ’κι κρατεί το παστόν’
Γλωσσάρι
ΚείμενοΕπεξήγησηΕτυμ. ΡίζαΠροέλευση
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
ανασπάλλωξεχνώ
απάν’πάνω
απέσ’μέσα
αποθάν’πεθαίνει
αρνόποαρνάκι, χαϊδευτική προσφώνηση γυναίκας
ασ’από
γερὰπληγή, τραύμα yara
δί’δίνει
δι͜αβαίν’(για τόπο) περνάει/ώ, διασχίζει/ω, (για χρόνο) περνάει/ώ διαβαίνω
εμόνδικός/ή/ό μου ἐμοῦ
έν’είναι
επορείμπορεί
έρθαήρθα
έσπρυνανάσπρισαν
εύρενβρήκε
ευτάγωκάνω, φτιάχνω εὐθειάζω
’κ’δεν οὐκί<οὐχί
’κιδεν οὐκί<οὐχί
κρατείκρατάει, βαστάει, στέκει, αντέχει
κύρ’ςκύρης, πατέρας
λαλαχ̌άρ’χαϊδεμένο, παραχαϊδεμένο
λαλαχ̌άρ’κονχαϊδεμένο, παραχαΐδεμένο
λελεύ’χαίρομαι/εται
λύεταιλιώνει
μικρίκονμικρούλης/α/ικο
όλενόλη/ο, ολόκληρη/ο
παπάλι, επίσης, ακόμα
παλαλάτρελά, τρέλες
παστόν’μπαστούνι baston/bastone
πηπου
πιτίκονμικρούλι πιθ. εκ του τουρκ. bit=ψείρα
ποδεδίζ’(ενεργ. και μέση) χαίρομαι/εσαι, απολαμβάνω/ει, προσκυνώ/άει από+δέδιν (<δείδω=φοβάμαι, ανησυχώ)
πορπατείπερπατάει
πουλόποπουλάκι
σεβντάναγάπη, έρωτα sevda/sevdā
σ̌ο̤χρετόπονονομαστό, περίφημο şöhret/şuhret
σουμάκοντά
τέρτ’καημός, βάσανο, (ονομ.) στενοχώρια dert
τυραννίεταιτυραννιέται, ταλαιπωριέται
’φτάει(ευτάει) κάνει, φτιάχνει εὐθειάζω
χάταιχάνεται

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr