Κορτσόπον δώδεκα χρόνων

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Κορτσόπον δώδεκα χρόνων
κι εγώ δεκατεσσάρων,
[Ντο να ’ίνουμαι;]
Εμέν να τρώει ο Γουρζουλάς
κι εσέν, πουλί μ’, ο Χάρον!
[Να λελεύω σε/Ποδεδίζω σε!]

Κορτσόπον, ντ’ έμορφον είσαι!
Δος μα νερόν ας πίνω!
[Να λελεύω σε!]
Σην καρδι͜ά μ’ πιάν’ άψιμον,
εκείνο για να βζήνω!
[Ποδεδίζω σε/Να λελεύω σε!]

Σην καρδι͜ά μ’ πιάν’ άψιμον,
η βρούλα κρούει σο στέβος!
[Να λελεύω σε/Ποδεδίζω σε!]
Επάρ’τε νερόν, σβήστε͜ ατο
με τ’ έναν τρανόν σ̌κεύος!
[Ντο να ’ίνουμαι;/Να λελεύω σε!]

Γλωσσάρι

Κείμενο	Επεξήγηση	Ετυμ. Ρίζα
άψιμον	φωτιά
βζήνω	σβήνω
βρούλα	φλόγα	brûler
γουρζουλάς	η πανούκλα μτφ. ο θάνατος
δος	δώσε
δος μα	δώσε μου
έμορφον	όμορφο
επάρ’τε	πάρτε
’ίνουμαι	γίνομαι
κορτσόπον	κοριτσάκι
κρούει	χτυπάει	κρούω
λελεύω	χαίρομαι
πιάν’	πιάνει
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
στέβος	στέγη, σκεπή