Κορτσόπον έμορφος είσαι

Κορτσόπον, ντ’ έμορφος είσαι,
φωτά͜εις άμον λαμπάδαν!
Πολλά ’κι πάει θα παίρω σε
σ’ άλλο την εβδομάδαν

Όνταν τυχαίνω σε, θα̤ρρώ
τον κόσμον όλο̤ν έχω
Άμον πουλίν ψηλοπετώ
και τέρτι͜α άλλο ’κ’ έχω

Γουρπάν’ σ’ ομμάτι͜α σ’ τ’ έμορφα
ντο τερούν και γελούνε
Ας σ’ έμορφον το τέρεμα σ’
φοούμαι γιάμ’ πονούνε

Ποίον έν’ π’ εζωγράφ’σε σε
και με τ’ ατόσα κάλλια;
’Ποίκεν τα μάγ’λα σ’ έμορφα
και άμον πορτοκάλι͜α