Η κάλη μ’ δεκαεφτά χρονών

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

Η κάλη μ’ δεκαεφτά χρονών
[μικρόν αρνί μ’]
κι εγώ πα είκοσ’ τρία
[γιαρ, γιαρ/τσ̌άνουμ, γιαρ, γιαρ]
Εσέγκε με και ση σεβντάν
[μικρόν αρνί μ’]
τερεί με κρύα-κρύα
[γιαρ, γιαρ/τσ̌άνουμ, γιαρ, γιαρ]

Κορτσόπον δεκαεφτά χρονών,
[μικρόν αρνί μ’]
ση στράταν απαντώ σε
[γιαρ, γιαρ/τσ̌άνουμ, γιαρ, γιαρ]
Να ’ίνεσαι τραντάφυλλον
[μικρόν αρνί μ’]
σο χ̌έρι μ’ να κρατώ σε
[γιαρ, γιαρ/τσ̌άνουμ, γιαρ, γιαρ]

Κορτσόπον, είσαι έμορφον
[μικρόν αρνί μ’]
νασάν που θ’ απαντά σε!
[γιαρ, γιαρ/τσ̌άνουμ, γιαρ, γιαρ]
Νασάν π’ ευρήκ’ σε μαναχόν,
[μικρόν αρνί μ’]
φιλεί, φιλεί, χορτά͜ει σε
[γιαρ, γιαρ/τσ̌άνουμ, γιαρ, γιαρ]

Γλωσσάρι

Κείμενο	Επεξήγηση	Ετυμ. Ρίζα
απαντά	απαντάει, συναντάει
απαντώ	συναντώ, προϋπαντώ, αποκρίνομαι
γιαρ	αγαπητός/ή/ό, αγάπη	yâr
έμορφον	όμορφο
εσέγκε	έβαλε
ευρήκ’	βρίσκω/ει
’ίνεσαι	γίνεσαι
κάλη	η αγαπητή σύζυγος, η σύζυγος
κορτσόπον	κοριτσάκι
μαναχόν	(έναρθρο) μοναχός, μοναχό, (επίρρ) μόνο/μοναχά
νασάν	χαρά σε
πα	πάλι, επίσης, ακόμα
σεβντάν	αγάπη, έρωτα	sevda/sevdā
τερεί	κοιτάει
τραντάφυλλον	τριαντάφυλλο
τσ̌άνουμ	ψυχή μου, αγαπημένε/η μου	canım<can/cān
χορτά͜ει	χορτάζει