Ποντιακός Στίχος

Προβολή Τραγουδιού

Κόρ’ η καρδία σ’ σίδερον

Αητέντς επαραπέτανενΑητέντς επαραπέτανεν

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης


Κόρ’ η καρδία σ’ σίδερον
εμέναν ’κι λυπάσαι
Εμέν εστάλτσες σ’ άψιμον
(κι) ερρούξες και κοιμάσαι

Ούι, ν’ αηλί εμέν, ν’ αηλί
το καρδόπο μ’ πώς πονεί!
Πονεί και πολλά βρουλίζ’
ση σεβντάν ’κι ταγιανίζ’

Κόρη, ’κ’ εξέρτς εγάπ’ ντο έχ̌’
αψιματένο̤ν βρούλα;
Σ’κούται και σαρουλεύκεται
ση σεβνταλή τη γούλαν

Ούι, ν’ αηλί εμέν, ν’ αηλί
το καρδόπο μ’ πώς πονεί!
Πονεί και πολλά βρουλίζ’
ση σεβντάν ’κι ταγιανίζ’

Κόρη, μετ’ έναν φίλεμαν
το μάγ’λο σ’ ’κι τελείται
(κι) έναν το μάγ’λο σ’ δος εμέν
και τ’ άλλο εσέν κανείται

Ούι, ν’ αηλί εμέν, ν’ αηλί
το καρδόπο μ’ πώς πονεί!
Πονεί και πολλά βρουλίζ’
ση σεβντάν ’κι ταγιανίζ’
Γλωσσάρι
ΚείμενοΕπεξήγησηΕτυμ. ΡίζαΠροέλευση
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
αψιματένο̤νκαυτό/ή
άψιμονφωτιά
βρούλαφλόγα brûler
βρουλίζ’φλέγεται
γούλανλαιμό gula
δοςδώσε
εγάπ’αγάπη
εξέρτςξέρεις, γνωρίζεις
ερρούξεςέπεσες
εστάλτσεςσταμάτησες, έστησες κάτι όρθιο, στήριξε, στερέωσες
έχ̌’έχει
’κ’δεν ουκί<οὐχί
κανείταιφτάνει, είναι αρκετό
καρδόποκαρδούλα
’κιδεν ουκί<οὐχί
μάγ’λομάγουλο magulum
μετ’μαζί με (με αιτιατική), με (τρόπος)
ν’ αηλίαλίμονο μεσαιων. ελλ. ἀλί<ἀ- + ἠλί (εβραϊκά אל)= θεός
πολλάπολλά (επίθ.), πολύ (επίρ.)
σαρουλεύκεταιτυλίγεται, αγκαλιάζει, προσκολλάται πάνω sarılmak
σεβνταλήερωτοχτυπημένο, ερωτευμένο sevdalı
σεβντάναγάπη, έρωτα sevda/sevdā
σ’κούταισηκώνεται
ταγιανίζ’αντέχω/ει, βαστάω/ει dayanmak
τελείται(αμτβ.) τελειώνει, εξαντλείται, μτφ. πεθαίνει
φίλεμανφιλί

Ποντιακός Στίχος - Pontian Lyrics 2024

Τραγούδια: 7896 | Albums/Singles: 1123 | Συντελεστές: 1519 | Λήμματα: 12534
Επικοινωνία: infoDUMMY@pontianlyrics.gr