Να έν’ καλά η μανίτσα μ’

Προβολή Τραγουδιού

Καλλιτέχνες: Ανέστης Αθανασιάδης, Γιώτης Γαβριηλίδης

Μικρός έμ’νε και ’κ’ έξερα
σα βάσανα, σα πόνια
Ατώρα -ν- ασ’ ετράνυνα
σύρω τη σεβντάς πόνια

Να έν’ καλά η μανίτσα μ’
ντ’ εχάρτσε με το ψ̌όπο μ’
Εποίκε με γιοσμάν παιδίν
άμον το τσ̌ιτσ̌ι͜ακόπον

Μάνα, τρέξον κι αράεψον
σ’ εμέν κιορά̤ νυφόπον
Μανίτσα μ’, θα παντρεύω
θα ’φτάγω τ’ οσπιτόπο μ’

Να είσαι καλά, μανίτσα μ’,
ντ’ εχάρτσες με το ψ̌όπο μ’
Εποίκες με γιοσμάν παιδίν
άμον το τσ̌ιτσ̌ι͜ακόπον

Μάνα μ’, εγγόνια θα ελέπ’ς
και χ̌αίρεται το ψ̌όπο σ’
Τη νύφε σ’ ντ’ αγαπάς εσύ,
μάνα, άμον το παιδόπο σ’

Να έν’ καλά η μανίτσα μ’
ντ’ εχάρτσε με το ψ̌όπο μ’
Εποίκε με γιοσμάν παιδίν
άμον το τσ̌ιτσ̌ι͜ακόπον

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αράεψον	(προστ.) ψάξε, αναζήτησε, γύρεψε	aramak
ασ’	από
ατώρα	τώρα
γιοσμάν	κομψό, λεβέντη, λεβέντικο	yosma
ελέπ’ς	βλέπεις
έμ’νε	ήμουν
έν’	είναι
έξερα	ήξερα
εποίκε	έκανε, έφτιαξε	ποιέω-ῶ
εποίκες	έκανες, έφτιαξες	ποιέω-ῶ
ετράνυνα	μεγάλωσα, ανέθρεψα	τρανόω-ῶ
εχάρτσε	χάρισε
εχάρτσες	χάρισες
’κ’	δεν	οὐκί<οὐχί
κιορά̤	ταιριαστός/ή/ό	göre
νύφε	νύφη
νυφόπον	νυφούλα
οσπιτόπο	σπιτάκι	hospitium<hospes + -όπον
παιδόπο	παιδάκι
παντρεύω	παντρεύομαι, δίνω την/ον κόρη/γιο μου για παντρειά
πόνια	(ονομ.) πόνοι, (αιτ.) πόνους
σεβντάς	αγάπης, έρωτα	sevda/sevdā
σύρω	σέρνω, τραβώ, ρίχνω
τρέξον	(προστ.) τρέξε
τσ̌ιτσ̌ι͜ακόπον	λουλουδάκι	çiçek
’φτάγω	(ευτάγω) κάνω, φτιάχνω	εὐθειάζω
ψ̌όπο	ψυχούλα