Ποντιακός Στίχος

Προβολή Τραγουδιού

Κατεβάστε τους στίχους σε PDF

Λίρας πουθέν’ ’κ’ ευρίουνταν

Πόνι͜α και σεβτάδεςΠόνι͜α και σεβτάδες

Στιχουργοί: Γιώτης Γαβριηλίδης

Συνθέτες: Ανέστης Αθανασιάδης

Καλλιτέχνες: Ανέστης Αθανασιάδης, Γιώτης Γαβριηλίδης


Πού έν’ η μάνα μ’, πού έν’ ο κύρη μ’
πού είν’ τ’ αδέλφι͜α μ’, και η γαρή μ’
να γουρταρεύ’νε εμέν τον μαύρον
και -ν- αποπέσ’ ’ς σην φυλακήν;

Πάνε τα χρόνι͜α μ’ έφυγαν,
εδέβεν η ζωή μ’
Τα νεότητα μ’ έφαγα
απέσ’ σην φυλακή

Λίρας πουθέν ’κ’ ευρίουνταν,
σην φυλακήν επέμ’να
Μουράτι͜α ’κ’ έχω ση ζωή μ’,
τον θάνατο μ’ ενέμ’να

Η γαρή μ’ πολλά νέισσα έν’
και μικρά τα μωρά
’Γώ είμαι στούδι͜α και πετσίν
σα φυλακάς αφκά

Εγάπη μ’ τα μωρά μη κλαίν’,
μη κλαίει και η καρδία σ’
Εξέρω ντ’ ’α φορτούσαι εσύ
βάσανα τυραννίας

Άμον λιθάρ’ και σίδερον
ευτάω υπομονήν
Η υγρασίαν έφαεν
τ’ άχαρον το κορμί μ’

Λίρας πουθέν ’κ’ ευρίουνταν,
σην φυλακήν επέμ’να
Μουράτι͜α ’κ’ έχω ση ζωή μ’,
τον θάνατο μ’ ενέμ’να

Ο Χάρον γυροκλώσ̌κεται
και είναν - είναν παίρ’
Σε καν’νάν, μάνα, ’δέν μη λες,
ο Χάρον γιανασ̌εύ’
Γλωσσάρι
ΚείμενοΕπεξήγησηΕτυμ. ΡίζαΠροέλευση
’αθα
άμονσαν, όπως, καθώς ἅμα
απέσ’μέσα
αποπέσ’από μέσα
αφκάκάτω
γαρήσύζυγος, γυναίκα karı
γιανασ̌εύ’πλησιάζω/ει, πλευρίζει yanaşmak
γουρταρεύ’νεγλυτώνουν κτ/κπ από, διασώζουν kurtarmak
γυροκλώσ̌κεταικλωθογυρίζει
’δέντίποτα
εγάπηαγάπη
εδέβενπήγε, διάβηκε, διέσχισε, ξεπέρασε διαβαίνω
είν’(για πληθ.) είναι
είνανέναν, μία
έν’είναι
ενέμ’ναανέμενα, περίμενα
επέμ’νααπόμεινα
ευρίουντανβρίσκονται
ευτάωκάνω, φτιάχνω εὐθειάζω
έφαενέφαγε
’κ’δεν οὐκί<οὐχί
καν’νάνκανέναν
λιθάρ’λιθάρι, πέτρα
λίραςλίρες
μουράτι͜αεπιθυμίες, πόθοι murat/murād
νέισσανέα
νεότητανιότη, νιάτα
παίρ’παίρνω/ει
πολλά(επίθ.) πολλά, (επίρρ.) πολύ
πουθένπουθενά
’ς(ας) από
στούδι͜αοστά, κόκκαλα ὀστοῦν~οστούδιον
φορτούσαιφορτώνεσαι
φυλακάςφυλακές

Ποντιακός Στίχος - Pontian Lyrics 2025

Τραγούδια: 9545 | Albums/Singles: 1679 | Συντελεστές: 1943 | Λήμματα: 15799
Επικοινωνία: infoDUMMY@pontianlyrics.gr