Ποντιακός Στίχος

Προβολή Τραγουδιού

Κάλαντα Χριστουγέννων

Αδέσμευτες ελπίδεςΑδέσμευτες ελπίδες

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Κωνσταντίνος Τσαχουρίδης, Ματθαίος Τσαχουρίδης


Χριστός ’γεννέθεν χαρά σον κόσμον
Χα! Καλή ώρα, καλή σ’ ημέρα
Χα! Καλόν παιδίν, οψέ ’γεννέθεν

Οψέ ’γεννέθεν, ουρανοστάθεν
τον εγέννεσεν η Παναΐα
τον ανέστεσεν αειπάρθενος

Εκαβάλκεψεν χρυσόν πουλάριν
κι εκατήβεν σο σταυροδρόμι
Έρπαξαν ατον οι χ̌ίλ’ Εβραίοι
Χ̌ίλ’ Εβραίοι και μύρ’ Εβραίοι

Ας σ’ ακρεντικά κι ας σην καρδίαν
Αίμαν έσταξεν χολή ’κ’ εφάνθεν
Ούμπαν έσταξεν και μύρος έτον
Μύρος έτον και μυρωδίαν

Εμυρίστεν ατο ο κόσμος όλεν
Για μυρίστ’ ατο και συ Αφέντα
Συ Αφέντα, καλέ μ’ Αφέντα

Έρθαν τη Χριστού τα παλληκάρι͜α
και θημίζ’νε το νοικοκύρην
Νοικοκύρην και βασιλέαν

«Δέβα σο ταρέζ’ κι έλα σην πόρταν
Δος μας ούβας και λεφτοκάρυ͜α
Κι αν ανοί͜εις μας, χαρά σην πόρτα σ’
Χαρά σην πόρτα σ’»
Γλωσσάρι
ΚείμενοΕπεξήγησηΕτυμ. ΡίζαΠροέλευση
ακρεντικάάκρα, πλευρά
ανέστεσενανάθρεψε
ανοί͜ειςανοίγεις
ας σ’(ας σου) από του, από τότε που/αφότου, (ας σο) από το/τα
’γεννέθεν(εγεννέθεν) γεννήθηκε
δέβαπήγαινε (προστ.)
δοςδώσε
εγέννεσενγέννησε
εκαβάλκεψενκαβάλησε
εκατήβενκατέβηκε
εμυρίστενμύρισε, οσφράνθηκε
έρθανήρθαν
έρπαξανάρπαξαν
έτονήταν
εφάνθενφάνηκε, εμφανίστηκε
θημίζ’νεψάλλουν, κάνουν γνωστό, διαδίδουν θημίζω<φημίζω<φάσκω
’κ’δεν ουκί<οὐχί
λεφτοκάρυ͜αλεπτοκάρυα, φουντουκιές, φουντούκια λεπτο- + κάρυον
μυρίστ’μύρισε (προστ.)
όλενόλη/ο, ολόκληρη/ο
ούβαςαγριοκύδωνα ή μούσμουλα ή λωτοί (αποξηραμένοι, Trabzon hurması) ὄον και οὖον=ο καρπός τής όας, τής σουρβιάς (αγριοκυδωνιά)
ούμπανόπου κι αν
οψέχθες
ταρέζ’ράφι étagère
χ̌ίλ’χίλιοι/ες/ια
χα!να!, ορίστε!, ιδού!
χολήθυμός

Ποντιακός Στίχος - Pontian Lyrics 2024

Τραγούδια: 7860 | Albums/Singles: 1121 | Συντελεστές: 1524 | Λήμματα: 12572
Επικοινωνία: infoDUMMY@pontianlyrics.gr