Περισ̌άντς

Προβολή Τραγουδιού

Καλλιτέχνες: Γιώτης Γαβριηλίδης, Ματθαίος Τσαχουρίδης

Περισ̌άν’, ε! περισ̌άν’,
λάσ̌κεσαι σα καφενεία
Τ’ αχούλι σ’ έν’ σο ρακίν
και ’κ’ ευτάς έναν δουλείαν

Περισ̌άν’, ε! περισ̌άν’,
πάντα ψαλαφάς παράν
Το τσιμίδι σ’ ξάι ’κι κόφτ’,
το κιφάλι σ’ έν’ καρσάν’

Περισ̌άν’, ε! περισ̌άν’,
τα μωρόπα σ’ ’κι νουνί͜εις
Πάντα είναι νηστικά,
σοκακόσ̌κυλον γυρί͜εις
Πάντα είναι νηστικά,
άμον αλεπός γυρί͜εις

Περισ̌άν’, ε! περισ̌άν’,
μ’ εθαρρείς ’κι θα γεράς!
Πάντα ’κι θα είσαι νέος
ήντι͜αν θέλτς για να ευτάς

Περισ̌άν’, ε! περισ̌άν’,
το σεΐρι σ’ ’κι τερείς
Ερρούξες και να σ’κούσαι
σα ποδάρι͜α ’κ’ επορείς

Περισ̌άν’, ντό θα κερδί͜εις
με τα παλαλά ντ’ ευτάς;
Το ψ̌όπο σ’ ’κι θα κομπώντς,
κάποτε συ θ’ αποθάντς

Γλωσσάρι

Κείμενο	Επεξήγηση	Ετυμ. Ρίζα
αλεπός	αλεπού
άμον	σαν, όπως, καθώς	ἅμα
αποθάντς	πεθάνεις
αχούλι	μυαλό	akıl/ʿaḳl
γεράς	γερνάς
γυρί͜εις	γυρίζεις, γυρνάς
δουλείαν	δουλειά
εθαρρείς	θαρρείς, νομίζεις, υποθέτεις
έν’	είναι
επορείς	μπορείς
ερρούξες	έπεσες
ευτάς	κάνεις, φτιάχνεις	εὐθειάζω
ήντι͜αν	οτιδήποτε, ό,τι
θέλτς	θέλεις
’κ’	δεν	οὐκί<οὐχί
καρσάν’	αβαθής σκάφη που έριχναν το γάλα και μάζευαν μετά το καϊμάκι
κερδί͜εις	κερδίζεις
’κι	δεν	οὐκί<οὐχί
κιφάλι	κεφάλι
κομπώντς	εξαπατάς, ξεγελάς, μτφ. σαγηνεύεις	κομβόω
κόφτ’	κόβει
λάσ̌κεσαι	περιφέρεσαι, τριγυρνάς, περιπλανιέσαι	ἀλάομαι/ηλάσκω
μωρόπα	μωράκια, παιδάκια
νουνί͜εις	σκέφτεσαι
ξάι	καθόλου
παλαλά	τρελά, τρέλες
παράν	λεφτά, το χρήμα	para/pāre
περισ̌άν’	εξαθλιωμένo, κακομοίρη, δυστυχή	perişan/perīşān
ποδάρι͜α	πόδια
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεΐρι	θέαμα πρόσφορο για διασκέδαση (τερώ σεΐρ: κοιτώ κάτι παραμένοντας αμέτοχος)	seyir/seyr
σ’κούσαι	σηκώνεσαι
τερείς	κοιτάς
τσιμίδι	εγκέφαλος, νους	cimedia
ψαλαφάς	ζητάς, αιτείσαι
ψ̌όπο	ψυχούλα