Ο τεμπέλτς

Προβολή Τραγουδιού

Στιχουργοί: Νάκος Ευσταθιάδης, Παραδοσιακό

Καλλιτέχνες: Στάθης Νικολαΐδης, Φάνης Κουρουκλίδης

Την Δευτέραν κετσ̌ινεύ’νε
οι τεμπέλ’ που ’κι δουλεύ’νε
Πάντα δανεικά αραεύ’νε
κι όθεν πάνε να ξοδεύ’νε

Τρίτην μ’ αρχινάς δουλείαν,
θα ευρήκ’ς αναποδίαν
Ους το βραδόν να κοιμάσαι,
κανείς ’κι κακολογά σε

Που νηστεύ’νε την Τετράδ’
κόφ’νε τη δι͜αβόλ’ τ’ ουράδ’
Φά’ και πία ση ζωή σ’
και ας χ̌αίρεται η ψ̌η σ’

Ψευτοδούλεψον την Πέφτ’
κι ότιναν ελέπ’ς κουρφεύτ’
Μέραν-νύχταν που δουλεύ’νε
μ’ εθαρρείτεν αρτουρεύ’νε

Η Παρασ̌κευή κλαιμένον,
λημονεύ’νε αποθαμένον
Και μη παίρ’ -τ- σε από καρδίας,
κάπου ασπρύν’νε τα μαλλία σ’

Σάββατον αν έ͜εις δουλείαν,
τούλωσον, μ’ εβγάλτς λαλίαν
Οι τσ̌αχάλ’ Σάββαν γλεντούνε
και κορτσόπα αγαπούνε

Κερεκήν ξάι μη δουλεύ’ς,
παίζ’ η λύρα και χορεύ’ς
Έξεργος έν’ και αργίαν
κι αν δουλεύ’ς έν’ αμαρτίαν

Πάντα τα καλά μ’ φορώ
κι όθεν πάω τραγωδώ
Πάντα τα καλά μ’ φορώ,
τραγωδώ και αγαπώ
Πάντα τα καλά μ’ φορώ,
τραγωδώ και αγαπώ
Πάντα τα καλά μ’ φορώ,
τραγωδώ και αγαπώ

Γλωσσάρι

Κείμενο	Επεξήγηση	Ετυμ. Ρίζα
αποθαμένον	πεθαμένος/ο
αραεύ’νε	ψάχνουν, αναζητούν, γυρεύουν	aramak
αρτουρεύ’νε	περισσεύουν, αυξάνουν, αποταμιεύουν, εξοικονομούν	artırmak
ασπρύν’νε	ασπρίζουν
δι͜αβόλ’	(ον.πληθ.) διάβολοι, (γεν. ενικ.) διαβόλου
δουλείαν	δουλειά
δουλεύ’νε	δουλεύουν
δουλεύ’ς	δουλεύεις
έ͜εις	έχεις
εβγάλτς	βγάζεις
ελέπ’ς	βλέπεις
έν’	είναι
έξεργος	αργία
ευρήκ’ς	βρίσκεις
καρδίας	(τη, γεν.) καρδιάς, (τα, ονομ. πληθ.) καρδιές
Κερεκήν	Κυριακή
κετσ̌ινεύ’νε	βιοπορίζονται, βγάζουν τα προς το ζην	geçinmek
’κι	δεν	οὐκί<οὐχί
κλαιμένον	κλαμένο/η
κορτσόπα	κοριτσάκια
κουρφεύτ’	(προστ.) παινέψου, περηφανέψου
κόφ’νε	κόβουνε
λαλίαν	λαλιά, φωνή
λημονεύ’νε	μνημονεύουν
ξάι	καθόλου
όθεν	όπου, οπουδήποτε, σε όποιον
ότιναν	όποιον, οποιονδήποτε
ουράδ’	ουρά
ους	ως, μέχρι
παίζ’	παίζω/παίζει
παίρ’	παίρνω/ει
Πέφτ’	Πέμπτη
πία	(προστ.) πιες
Σάββαν	Σάββατο	Shabbat
τεμπέλ’	τεμπέληδες	tembel/tenbel
Τετράδ’	Τετάρτη
τούλωσον	(προστ.) ησύχασε, κάτσε φρόνιμα	τυλώ
τραγωδώ	τραγουδάω
τσ̌αχάλ’	άπειροι, ανώριμοι, άβγαλτοι	cahil/cāhil
φά’	(προστ.) φάε
χορεύ’ς	χορεύεις
ψ̌η	ψυχή