Σιμά σα ξημερώματα

Προβολή Τραγουδιού

Παραδοσιακό αντάμωμα με τον Γιώργο Αμαραντίδη

Σιμά σα ξημερώματα
τραγωδώ και σ̌υρίζω
Νυφαδόπα και κορτσόπα
απ’ έναν εγνεφίζω

Για τ’ ατά έρχουμαι,
μετ’ ατά χ̌αίρουμαι,
έρχουμαι, έρχουμαι

Σιμά σα ξημερώματα
και σα μικρά τα ώρας
Ασ̌κέπαγα ακούνε με
τα κορτσόπα τη χώρας

Για τ’ εσάς έρχουμαι,
Μετ’ εσάς χ̌αίρουμαι,
έρχουμαι, έρχουμαι

Σιμά σα ξημερώματα
πάει βασιλεύ’ ο φέγγον
Τ’ αρνόπο μ’ μ’ αγνεφείτε ατο
έν’ ακόμα τσ̌εχέλκον

Για τ’ εσέν έρχουμαι,
μετ’ εσέν χ̌αίρουμαι,
έρχουμαι, έρχουμαι

Σιμά σα ξημερώματα
πάει βασιλεύ’ ο φέγγον
Πάγω κι εγώ το παλληκάρ’
μετ’ εμόν την Ελένκον

Για τ’ ατό έρχουμαι,
μετ’ ατό χ̌αίρουμαι,
έρχουμαι, έρχουμαι
Για τ’ ατό έρχουμαι,
μετ’ ατό χ̌αίρουμαι,
έρχουμαι, έρχουμαι

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
ασ̌κέπαγα	ασκέπαστα, μη επαρκώς ντυμένα
ατά	αυτά
εγνεφίζω	ξυπνώ
εμόν	δικός/ή/ό μου	ἐμοῦ
έν’	είναι
έρχουμαι	έρχομαι
κορτσόπα	κοριτσάκια
μετ’	μαζί με (με αιτιατική), με (τρόπος)
νυφαδόπα	νυφούλες
σ̌υρίζω	σφυρίζω, παίζω αυλό	σῦριγξ
τραγωδώ	τραγουδάω
τσ̌εχέλκον	άπειρο, ανώριμο, άβγαλτο	cehil/cehl
φέγγον	φεγγάρι
χ̌αίρουμαι	χαίρομαι
χώρας	ξένος/η/ο/οι γενικά, οι/το/τα μη οικείο/α, ξενιτειάς
ώρας	ώρες