Προβολή Τραγουδιού

Χαρίκλη μ’, τα ιδρώματα σ’

Καλλιτέχνες: Αλέξανδρος Παρχαρίδης, Γιώργος Σιαμίδης

Χαρίκλη μ’, τα ιδρώματα σ’,
διαμαντένια τα δάκρυ͜α σ’,
’ίν’ντανε σέλια και νερά
σου Τορταλί’¹ / ση Φάλαινας² τα στράτας

Ση παρχάρ’ τα τσ̌ιμενόπα
να έμ’νε έναν οξέαν
Έκλωθα τα κλαδόπα μου,
αρνί μ’, σ’ εσέν μερέαν

Ανάθεμα το Τορταλί¹
κι ατέν την Τορταλέτ’σσαν,
εποίκε με και κλώσκουμαι
αρ’ άμον καρμενέτσαν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
ατέν	αυτήν
έκλωθα	γύριζα, έστρεφα
έμ’νε	ήμουν
εποίκε	έκανε, έφτιαξε	ποιέω-ῶ
’ίν’ντανε	γίνονται
καρμενέτσαν	αδράχτι
κλαδόπα	κλαδάκια
κλώσκουμαι	γυρίζω, επιστρέφω
μερέαν	μεριά
οξέαν	οξιά
παρχάρ’	ορεινός τόπος θερινής βοσκής
σέλια	χείμαρροι, πλημμύρες	sel/seyl
στράτας	δρόμοι (ονομ.), δρόμους (αιτ.)
τσ̌ιμενόπα	γρασίδια, λιβάδια	çimen

Σημειώσεις

¹ Τορταλί ή Ντορταλί (τουρκ. Dort Ali): Παλιά ονομασία του χωριού Τετράλοφος Κοζάνης
² Μία από τις τρεις ενορίες του χωριού Λιβερά στην Ματσούκα του Πόντου (σημ. Yazlik)