Να ’ίνεσαι τη φιλεμάτ’

Προβολή Τραγουδιού

Καλλιτέχνες: Αλέξανδρος Παρχαρίδης, Γιώργος Σιαμίδης

expand_content

Τ’ ομμάτι͜α σ’ τ’ αζωγράφιστα
και τα περιγραμμένα,
τον κόσμον επαλάλωσαν
και -ν- έκαψαν εμέναν

Τα χ̌είλι͜α σ’ θέλ’νε φίλεμαν,
ατά τα ροδοστάμι͜α
Να ’ίνεσαι τη φιλεμάτ’
και κείσαι σην εγκάλια μ’

Αμάλαχτον κι ανέξερτον
και ποίος θα μαθί͜ει σε;
Ση παραδεισί’ την οτάν
ποίος θα στρών’ και κείσαι;

Γλωσσάρι

Κείμενο	Επεξήγηση	Ετυμ. Ρίζα
αμάλαχτον	μη μαλασσόμενο, άθικτο
ανέξερτον	αμαθές, χωρίς γνώση
ατά	αυτά
εγκάλια	αγκαλιά
επαλάλωσαν	τρέλαναν
θέλ’νε	θέλουν
’ίνεσαι	γίνεσαι
κείσαι	κείτεσαι, ξαπλώνεις
μαθί͜ει	μαθαίνει κτ σε κπ, διδάσκει
ομμάτι͜α	μάτια
οτάν	δωμάτιο	oda
παραδεισί’	παραδείσου
ποίος	(ερωτημ.) ποιός, (αναφ.αντων.) όποιος
ροδοστάμι͜α	ροδοστάγματα, ροδόνερα
φίλεμαν	φιλί
φιλεμάτ’	αξιοφίλητο, που είναι για φιλιά