Μαύρον λυκούδ’

Προβολή Τραγουδιού

Καλλιτέχνες: Αλέξανδρος Παρχαρίδης, Παναγιώτης Κογκαλίδης

Μη κιζτουρεύ’ς με, νε πουτσή,
θα ευρήκ’ς τρανόν πελιάν-ι,
Τ’ οσπίτι σ’ θα κολλίζ’ ατο,
ο κόσμον να χαλάνει

Μαύρον λυκούδ’ θα ’ίνουμαι,
σερπέσ̌κα που γουρνάται
Άγριον κι ανημέρωτον,
Θεόν που ’κι φογ̂άται

Θα κατηβαίνω αποβραδής
κι εμπαίνω σο χωρίο σ’
Ολόεν θα γριλεύ’ ατο
να μη απομέν’ ξάι βίος

Για άκ’σον το τανίσ̌εμα μ’
κι άφ’ς με σην ησυχία μ’
να ζω με τα τερτόπα μου
και την τυρι͜αννισία μ’

Γλωσσάρι

Κείμενο	Επεξήγηση	Ετυμ. Ρίζα
άκ’σον	(προστ.) άκουσε
ανημέρωτον	μη εξημερωμένο
αποβραδής	απ’ το βράδυ, κατά το βράδυ, βραδιάτικα
απομέν’	απομένει
άφ’ς	(προστ.) άφησε
βίος	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
γουρνάται	ουρλιάζει
γριλεύ’	καταστρέφω/ει, αφανίζω/ει
εμπαίνω	μπαίνω
ευρήκ’ς	βρίσκεις
’ίνουμαι	γίνομαι
κατηβαίνω	κατεβαίνω
’κι	δεν	οὐκί<οὐχί
κιζτουρεύ’ς	πειράζεις, εξαγριώνεις, ενοχλείς, ερεθίζεις	kızdırmak
κολλίζ’	κολλάω/ει, δίνω/ει φωτιά, μτφ. καταστρέφω/ει
λυκούδ’	(υποκορ.) λύκος
ξάι	καθόλου
ολόεν	ολόκληρο/η
οσπίτι	σπίτι	hospitium<hospes
πελιάν	βάσανο, σκοτούρα	bela
πουτσή	κόρη, νέα κοπέλα	bucak
σερπέσ̌κα	ελεύθερα, χωρίς συστολή	serbestçe<serbest
τανίσ̌εμα	συμβουλή	danışma
τερτόπα	(υποκορ.) καημοί, βάσανα, στενοχώριες	dert
τυρι͜αννισία	τυράννια, ταλαιπωρία
φογ̂άται	φοβάται