Ποντιακός Στίχος

Προβολή Τραγουδιού

Κατεβάστε τους στίχους σε PDF

Η κεμεντζ̌έ μ’

Εγώ είμαι ας σον ΠόντονΕγώ είμαι ας σον Πόντον

Στιχουργοί: Γιώργος Αμαραντίδης

Συνθέτες: Γιώργος Αμαραντίδης

Καλλιτέχνες: Γιώργος Αμαραντίδης


Ας σην οξέαν, κεμεντζ̌έ μ’,
ευτάγ’νε τα ωτία σ’
Ατά σύρ’νε τα κόρδας ι-σ’
και γλυκαίν’ η λαλία σ’

Χαλκωματένεν το καπάκ’
και το τοξάρ’ ελαίαν
Κοκκύμελον και -ν- η γλώσσα σ’,
ίσον άμον ιτέαν

Το παλληκάρ’ κι ο γάιδαρον
τα κόρδας ι-σ’ φορτούνταν
Ατείν’ π’ ακούν το λαλόπο σ’
πώς να μη παλαλούνταν;

Ας έ͜εις τρία τα κόρδας ι-σ’
και μικρόν η θωρέα σ’
’Σ σα παιγνητώρι͜α, ’ς σ’ όλια συ
είσαι -ν- ο βασιλέας
Σα όργανα, ’ς σ’ όλια -ν- απέσ’
εσύ -ν- ο βασιλέας

Σα πόνι͜α μ’ εσύ δί’ς χαράν
και σα χ̌είλια μ’ το γέλος
Την ψ̌η μ’ η λαλία σ’ να παίρ’
ση ζωής ι-μ’ το τέλος
Γλωσσάρι
ΚείμενοΕπεξήγησηΕτυμ. ΡίζαΠροέλευση
άμονσαν, όπως, καθώς ἅμα
απέσ’μέσα
ατάαυτά
ατείν’αυτοί
γέλοςγέλιο, περίγελος
γλυκαίν’γλυκαίνει
δί’ςδίνεις
έ͜ειςέχεις
ελαίανελιά
ευτάγ’νεκάνουν, φτιάχνουν εὐθειάζω
θωρέαθωριά, όψη
καπάκ’κάλυμμα, σκέπασμα, καπάκι kapak
κεμεντζ̌έλύρα kemençe/kemānçe
κοκκύμελοντο δέντρο δαμασκηνιά, δαμάσκηνο
κόρδαςχορδές
λαλίαλαλιά, φωνή
λαλόποφωνούλα
όλιαόλα
οξέανοξιά
παιγνητώρι͜αμουσικά όργανα
παίρ’παίρνω/ει
παλαλούνταντρελαίνονται
πόνι͜απόνοι
’ς(ας) από
σύρ’νεσέρνουν, τραβούν, ρίχνουν
τοξάρ’δοξάρι
χαλκωματένεναπό χαλκό, χάλκινο
ψ̌ηψυχή
ωτίααυτιά

Ποντιακός Στίχος - Pontian Lyrics 2025

Τραγούδια: 9575 | Albums/Singles: 1694 | Συντελεστές: 1994 | Λήμματα: 15802
Επικοινωνία: infoDUMMY@pontianlyrics.gr