Μήλον κόκκινον είσαι

Προβολή Τραγουδιού

Τσακαλίδης 1980

Το φέσι μ’ σο γιάν’ απάν’,
το πισκίλ’ ’κι κείται απάν’
Τ’ έμορφα τα κορτσόπα
σκοτούνταν σ’ εμέν απάν’

Κορτσόπον, τίνος είσαι;
μήλον κόκκινον είσαι
Για τ’ εμέν το παλληκάρ’
βασιλόπουλον είσαι

Ha buradan aşağı¹
τρέχ̌’ ολίγον νερόπον
Έπαρ’ με, κόρ’, έπαρ’ με!
είμαι καλόν παιδόπον

Το ραχ̌ίν χ̌ι͜ονίεται,
παίρ’ ο ήλεν λύεται
Κι εγώ τηνάν αγαπώ
αδαπέσ’ ευρίεται

Γλωσσάρι

Κείμενο	Επεξήγηση	Ετυμ. Ρίζα
αδαπέσ’	εδώ μέσα
απάν’	πάνω
γιάν’	πλάι, πλευρά	yan
έμορφα	όμορφα
έπαρ’	(προστ.) πάρε
ευρίεται	βρίσκεται
ήλεν	ήλιος/ήλιο
κείται	κείτεται, ξαπλώνει
’κι	δεν	οὐκί<οὐχί
κορτσόπα	κοριτσάκια
κορτσόπον	κοριτσάκι
λύεται	λιώνει
νερόπον	νεράκι
παιδόπον	παιδάκι
παίρ’	παίρνω/ει
πισκίλ’	φούντα, θύσανος (φεσιού)	püskül
ραχ̌ίν	βουνό, ράχη
σκοτούνταν	σκοτώνονται
τηνάν	αυτόν/ην που
τίνος	ποιού;
τρέχ̌’	τρέχει
χ̌ι͜ονίεται	χιονίζεται

Σημειώσεις

¹ Από εδώ κάτω (προφ. Α πουρατάν ασ̌άγα)