Σατυρικόν

Προβολή Τραγουδιού

Τσακαλίδης 1980

Στιχουργοί: Κωστίκας Τσακαλίδης, Παραδοσιακό

Συνθέτες: Κωστίκας Τσακαλίδης, Παραδοσιακό

Έναν ημέρα τη Φωτός
επήγαμε ση Πιστόφ’
Είπανε με «Φά’ και πία!
Έχομε πολλά ρακία!»

Αρ’ εκαικά πόσον έπα
και εσ’κώθα και ευχέθα
Είπα «Θείο! Τον υιό σ’
να χαρί͜ει σε -ν- ο Θεός»

«Ντό λες», είπε με «καημένε;
Τραγωδείς, τσ̌ουλντουρεμένε!
Έπες ρακίν πουλουλέας
κι εκατόν πενήντα τσ̌άϊα»

«Έβγαλ’, δος μα τα παράδες!
Θα τσακώνω τα ποδάρι͜α σ’»
«Θείο, πάω σο χωρίον
το παρόπο σ’ απ’ ολίον
κάτ’ ευτάγω κι όλο στείλω»

«Ντό λες» είπε «νε καημένε;
Τραγωδείς, τσ̌ουλντουρεμένε!
Έβγαλ’ δος μα τα παράδες,
θα τσακώνω το κιφάλι σ’»

Εράεψα σο τσ̌επόπο μ’,
εύρα έναν καπικόπον
Έπλωσα ’τον την παράν
μετ’ έναν τρανόν χαράν

«Ντό έν’ ατο, νε καημένε;
Τραγωδείς, τσ̌ουλντουρεμένε!»
Μ’ ένα λάχταν κι έναν μούσταν
ας σην πόρταν έξ’ ερρούξα

Σο κιφάλ’ απάν’ εντώκα,
σο κιφάλ’ απάν’ ερρούξα
Το κιφάλι μ’ εταράεν,
ὰμα εκείνος πα εχπαράεν

Γλωσσάρι

Κείμενο	Επεξήγηση	Ετυμ. Ρίζα
ὰμα	αλλά	ama/ammā
απάν’	πάνω
δος	δώσε
δος μα	δώσε μου
έβγαλ’	(προστ.) βγάλε
εκαικά	εκεί πέρα
έν’	είναι
εντώκα	χτύπησα
έξ’	έξω ή ο αριθμός έξι
έπα	ήπια
έπες	ήπιες
έπλωσα	άπλωσα, έτεινα
εράεψα	έψαξα, γύρεψα, αναζήτησα	aramak
ερρούξα	έπεσα
εσ’κώθα	σηκώθηκα
εταράεν	ταράχθηκε, ανακατεύτηκε, μπερδεύτηκε, αναμίχθηκε
εύρα	βρήκα, (ιδιωμ. προστ.) βρες
ευτάγω	κάνω, φτιάχνω	εὐθειάζω
ευχέθα	ευχήθηκα
έχομε	έχουμε
εχπαράεν	(αμτβ) τρόμαξε, ξαφνιάστηκε
καπικόπον	καπίκι, νόμισμα της εποχής ισοδύναμο με 1/100 του ρουβλίου	kapik/копейка
κιφάλ’	κεφάλι
κιφάλι	κεφάλι
λάχταν	κλωτσιά	λάκτισμα<λακτίζω
μετ’	μαζί με (με αιτιατική), με (τρόπος)
μούσταν	γροθιά	muşta/muşte
πα	πάλι, επίσης, ακόμα
παράδες	λεφτά, χρήματα	para/pāre
παράν	λεφτά, το χρήμα	para/pāre
πία	(προστ.) πιες
ποδάρι͜α	πόδια
πολλά	(επίθ.) πολλά, (επίρρ.) πολύ
πουλουλέας	πιθάρια
ρακία	(πληθ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
’τον	αυτόν
τραγωδείς	τραγουδάς
τσακώνω	σπάζω, θραύω, τσακίζω
τσ̌επόπο	τσεπούλα	cep/ceyb
τσ̌ουλντουρεμένε	τρελαμένε	çıldırmış
φά’	(προστ.) φάε
χαρί͜ει	χαρίζει