Θα πάω σ’ έναν έρημον

Προβολή Τραγουδιού

Θα πάω σ’ έναν έρημον,
αρ’ σ’ έναν ερημίαν
Όθεν ’κι κελαηδεί πουλί,
όθεν ’κι πάει λαλία -ν

Αούτα τα πετούμενα,
τ’ ουρανού τα πουλία
Ατά έσαν π’ εζωγράφ’σανε
του ματί’ σ’ τα πλουμία

Εσύ που σπογγί͜εις την αυλή
και μετ’ ατά τα κάλλια
Σ’ εσέν ’κι πρέπ’ το σπόγγισμαν,
σ’ εσέν αξίζ’ εγκάλιαν

Γλωσσάρι

Κείμενο	Επεξήγηση	Ετυμ. Ρίζα
αούτα	αυτά
ατά	αυτά
εγκάλιαν	(αιτ.) αγκαλιά
εζωγράφ’σανε	ζωγράφισαν
έσαν	ήταν
κάλλια	κάλλη
’κι	δεν	οὐκί<οὐχί
λαλία	λαλιά, φωνή
ματί’	ματιού
μετ’	μαζί με (με αιτιατική), με (τρόπος)
όθεν	όπου, οπουδήποτε, σε όποιον
πλουμία	κεντητά ή ζωγραφιστά διακοσμητικά σχέδια, μτφ. στολίδια	pluma
σπογγί͜εις	σκουπίζεις
σπόγγισμαν	σκούπισμα