Κιζέλα

Προβολή Τραγουδιού

Κόρη, κατήβα σο μαντρίν,
ελύεν η Κιζέλα
Εφώταξεν ο πρόσωπο σ’
άμον ντο παίρ’ η μέρα

Κόρη, κατήβα σο μαντρίν
και ντως κα’ τα πασσάλι͜α
Αρ’ άντρας ι-σ’ πολλά μικρός
κρού’ν ατον τα μουσκάρι͜α

Τον άντρας καλοφά͜εις ατον
κι ευτάς ατον γιοσμάν-ι
Έναν κελέκ’ κρεμάντς ατον,
ταράεται σ’ ορμάνιν

Τον άντρα σ’ τορπαλάεψον
και δος ατον αχ̌ύρ’ -ι
Να δέν’ ολίγον γόνατο
σην αραπάν να σύρει

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αραπάν	άμαξα	araba
γιοσμάν	κομψό, λεβέντη, λεβέντικο	yosma
δέν’	δένω/ει
δος	δώσε
ελύεν	λύθηκε, έλιωσε
ευτάς	κάνεις, φτιάχνεις	εὐθειάζω
εφώταξεν	φώτισε
κα’	κάτω
καλοφά͜εις	καλοταΐζεις
κατήβα	(προστ.) κατέβα
κελέκ’	κουδούνι	kalak
κρεμάντς	κρεμάς
κρού’ν	χτυπούν	κρούω
μουσκάρι͜α	μοσχάρια
ντως	(προστ.) χτύπα
ορμάνιν	δάσος	orman
παίρ’	παίρνω/ει
πασσάλι͜α	πάσσαλοι
πολλά	(επίθ.) πολλά, (επίρρ.) πολύ
ταράεται	αναμιγνύεται, ανακατεύεται, μπλέκεται
τορπαλάεψον	(προστ.) βάλε στον τορβά (όπως όταν τάιζαν τα ζώα περνώντας το κεφάλι τους μέσα σε μια μεγάλη σακούλα που περιείχε τροφή), μτφ. κάνε κπ να μην βλέπει	torbalamak