Ποντιακός Στίχος

Προβολή Τραγουδιού

Αγρέλαφον

Τ’ αηδόνια του ΠόντουΤ’ αηδόνια του Πόντου

Στιχουργοί: Παραδοσιακό, Χρύσανθος Θεοδωρίδης

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Χρήστος Χρυσανθόπουλος, Χρύσανθος Θεοδωρίδης


Το πέραν - πέραν κάθεται,
[Αγρέλαφον, αγρέλαφον!]
το πέραν κατηβαίνει
[Για πέει με γιατί, αγρέλαφον;]

Και να τσουρούται η θάλασσα
[Αγρέλαφον, αγρέλαφον!]
Και κόπεται λιβάδι͜α
[Για πέει με γιατί, αγρέλαφον;]

Και ντ’ έπαθες αγρέλαφον,
[Αγρέλαφον, αγρέλαφον!]
’κι βόσ̌κεσαι λιβάδιν;
[Για πέει με γιατί, αγρέλαφον;]
Γιάμ’ η μάνα σ’ επέθανεν;
[Αγρέλαφον, αγρέλαφον!]
Γιάμ’ ο κύρης ετάφεν;
[Για πέει με γιατί, αγρέλαφον;]

-Νέ η μάνα μ’ επέθανεν,
[Ας λέγω σε! Λελεύω σε!]
νι͜ά ο κύρη μ’ ετάφεν
[Όι! Ν’ αηλί εμέν, να βάι εμέν!]

Τη πατέρας ι-μ’ τ’ αγελάδ’,
[Ας λέγω σε! Λελεύω σε!]
τη μάνας ι-μ’ το χτήνον
[Όι! Ν’ αηλί εμέν, να βάι εμέν!]
έρθεν ο λύκον κι έφαεν
[Ας λέγω σε! Λελεύω σε!]
και κλαίει το λιβάδι
[Όι! Ν’ αηλί εμέν το αχάρον!]
Γλωσσάρι
ΚείμενοΕπεξήγησηΕτυμ. ΡίζαΠροέλευση
αγελάδ’δαμαλίδα, νεαρή αγελάδα
αγρέλαφοντο άγριο ελάφι
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
βόσ̌κεσαιβοσκάς
γιάμ’μήπως, ή μη ya/yā + μη
επέθανενπέθανε
έρθενήρθε
ετάφενενταφιάστηκε
έφαενέφαγε
’κιδεν οὐκί<οὐχί
κόπεταικόβεται
λελεύωχαίρομαι
ν’ αηλίαλίμονο μεσαιων. ελλ. ἀλί<ἀ- + ἠλί (εβραϊκά אל)= θεός
νέούτε ne
νι͜άούτε ne
πέειπες (προστ.)
τσουρούταιστεγνώνει, στραγγίζεται σειρώ=εκκενώνω, αδειάζω
χτήνοναγελάδα

Ποντιακός Στίχος - Pontian Lyrics 2024

Τραγούδια: 8001 | Albums/Singles: 1225 | Συντελεστές: 1599 | Λήμματα: 13740
Επικοινωνία: infoDUMMY@pontianlyrics.gr