Αν αρχινώ να τραγωδώ

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Κωστάκης Πετρίδης, Χρύσανθος Θεοδωρίδης

[Ωχ!] Αν αρχινώ να τραγωδώ,
τέρτι͜α θα σειραδι͜άζω
[Άι!] Τον άγγελον με τα φτερά
ση γην θα κατηβάζω

[Ωχ!] Κι αν αρχινώ να τραγωδώ,
καρδίας θα μαραίνω
[Άι!] Αναθεμά σε, σεβνταλούκ’,
εσέν θ’ απιδι͜αβαίνω

[Ωχ!] Κι αν αρχινώ να τραγωδώ,
καρδίας θα κλαινίζω
[Άι!] Τα τέρτι͜α ντ’ έχω απέσ’ σην ψ̌η μ’
εγώ ’κι ταγιανίζω

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
απιδι͜αβαίνω	φεύγω, αφήνω πίσω, προσπερνώ, ξεπερνώ	από + διαβαίνω
καρδίας	(τη, γεν.) καρδιάς, (τα, ονομ. πληθ.) καρδιές
κατηβάζω	κατεβάζω
’κι	δεν	οὐκί<οὐχί
κλαινίζω	στενοχωρώ, κάνω κπ να κλάψει
σεβνταλούκ’	έρωτας	sevdalık
σειραδι͜άζω	αραδιάζω, βάζω στη σειρά	σειρά<εἴρω
ταγιανίζω	αντέχω, βαστάω, υπομένω	dayanmak
τέρτι͜α	καημοί, βάσανα, στενοχώριες	dert
τραγωδώ	τραγουδάω
ψ̌η	ψυχή