Προβολή Τραγουδιού
Τσ̌ιτσ̌έκι μ’ χ̌ιλι͜οπλουμιστόν |
Ο Χρύσανθος τραγουδά ΜατσούκαΣτιχουργοί: Χρύσανθος Θεοδωρίδης
Συνθέτες: Παραδοσιακό, Χρύσανθος Θεοδωρίδης
Καλλιτέχνες: Κωστάκης Πετρίδης, Χρύσανθος Θεοδωρίδης
[Άι!] Τσ̌ιτσ̌έκι μ’, χ̌ιλι͜οπλουμιστόν σκουντουλί͜εις ευωδίας Γαϊτάνι͜α είν’ τ’ οφρυδόπα σ’ και χρυσά τα μαλλία σ’ [Άι!] Ας σα χ̌είλι͜α σ’ κρεμάγουμαι όντες ανοί͜εις το στόμα σ’ Να έπλανε με ο Θεόν έναν βράδον σο δώμα σ’ [Άι!] Τερούνε με τ’ ομματόπα σ’, χαρχαταρά̤ η καρδία μ’ Θολών’ τ’ ακ̂ούλι μ’ και χάνω ο άχαρον την υεία μ’ [Άι!] Πουλόπο μ’, όντες καλατσ̌εύ’ς πέει με έναν γλυκύν λόγον Χαΐρ’ ν’ ευτάει με το φαΐν εγώ, πουλί μ’, ντο τρώγω -Γεια σου Κωστάκη με τη λύρα σου!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ακ̂ούλι | μυαλό | akıl | |
| ανοί͜εις | ανοίγεις | ||
| βράδον | βράδυ | ||
| γαϊτάνι͜α | έντεχνα πλεγμένα κορδόνια με τρεις μεταξωτές κλωστές (κοτσίδα) ή τέσσερεις (τεχρίλι), ή και μάλλινο ή βαμβακερό, που στόλιζε τα ρούχα στο κάτω μέρος των μανικιών και στον ποδόγυρο μτφ. όμορφα και λεπτά/καλαίσθητα | gaitanum<Caieta/Gaeta< αρχαία ελληνική Καιήτη (αντιδάνειο) | |
| γλυκύν | γλυκιά/ό | ||
| δώμα | οριζόντια σκεπή σπιτιού | ||
| είν’ | (για πληθ.) είναι | ||
| έπλανε | έπλαθε, δημιουργούσε, εμφάνιζε | ||
| ευτάει | κάνει, φτιάχνει | εὐθειάζω | |
| ευωδίας | ευωδίες | ||
| καλατσ̌εύ’ς | μιλάς, συνομιλείς, συζητάς | keleci=καλός λόγος (Παλαιά Τουρκική Ανατολίας) | |
| κρεμάγουμαι | κρέμομαι | ||
| ομματόπα | ματάκια | ||
| όντες | όταν | ||
| οφρυδόπα | φρυδάκια | ||
| πέει | (προστ.) πες | ||
| πουλόπο | πουλάκι | ||
| σκουντουλί͜εις | ευωδιάζεις, μοσχοβολάς | ||
| τερούνε | κοιτούν | ||
| τσ̌ιτσ̌έκι | λουλούδι | çiçek | |
| υεία | υγεία | ||
| χ̌ιλι͜οπλουμιστόν | χιλιοστολισμένο, πολύχρωμο | ||
| χαΐρ’ | προκοπή, καλή τύχη, ευημερία | hayır/ḫayr | |
| χαρχαταρά̤ | (ηχομ. λέξη) πάλλεται παράγοντας θόρυβο |
