Φώταξον, ήλιε μ’, φώταξον

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Κωστάκης Πετρίδης, Χρύσανθος Θεοδωρίδης

[Ωχ! Και] Φώταξον, ήλιε μ’, φώταξον,
ας λύγουνταν τα χ̌ι͜όνι͜α
[Ωχ! Και] Να έρχουν σο ταφόπο μου
και κελαηδούν τ’ αηδόνι͜α
♫
Να έρχουν σο ταφόπο μου
και κελαηδούν τ’ αηδόνι͜α
[Και] Φώταξον, ήλιε μ’, φώταξον,
ας λύγουνταν τα χ̌ι͜όνι͜α

♫

[Ωχ! Και] Φώταξον, φέγγο μ’, φώταξον,
ποίσον γιαρτίμ τον ήλιον
[Ωχ! Και -ν-] Εντάμαν να χουλένετε
τη κασελί’ μ’ το ξύλον
♫
Εντάμαν να χουλένετε
τη κασελί’ μ’ το ξύλον
[Και] Φώταξον, φέγγο μ’, φώταξον,
ποίσον γιαρτίμ τον ήλιον

♫

[Ωχ! Και -ν-] Εσείς, αστρόπα τ’ ουρανού,
φωτάξτεν ση σκοτίαν
[Ωχ! Και] Βαθύν εποίκαν το ταφί μ’
κι απέσ’ σην υγρασίαν
♫
Βαθύν εποίκαν το ταφί μ’
κι απέσ’ σην υγρασίαν
[Και -ν-] Εσείς, αστρόπα τ’ ουρανού,
φωτάξ’τεν ση σκοτίαν

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αστρόπα	αστεράκια
γιαρτίμ	βοήθεια, υποστήριξη, συμπαράσταση	yardım
εντάμαν	μαζί
εποίκαν	έκαναν, έφτιαξαν	ποιέω-ῶ
έρχουν	έρχονται
κασελί’	φέρετρου
λύγουνταν	λιώνουν
ποίσον	(προστ.) κάνε, φτιάξε	ποιέω, ποιῶ
σκοτίαν	σκοτάδι
ταφί	τάφο
ταφόπο	(υποκορ.) τάφος
φέγγο	φεγγάρι
φώταξον	(προστ.) φώτισε
φωτάξτεν	(προστ.) φωτίστε
χουλένετε	ζεσταίνετε