Αροθυμία σ’ θα τρώει με

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Κωστάκης Πετρίδης, Χρύσανθος Θεοδωρίδης

[Αχ! και -ν-] Αροθυμία σ’ θα τρώει με -ν- [άι] θα τρώει με, [νε]
[άι! Και -ν-] εγάπη σ’ θα τελέν’ με [νε]
[Κάτ’ έλα, πουλίκα μ’, κάτ’ έλα!]
[Αχ! και -ν-] Έναν γραμμόπον στείλον με [άι] στείλον με, [νε]
[άι! και] τιδέν ας έρ’ται λέει με [νε]
[Κάτ’ έλα, πουλίκα μ’, κάτ’ έλα!]

[Αχ! και -ν-] Αροθυμώ σε και η ψ̌η μ’ [άι] και η ψ̌η μ’ [νε]
[Άι! και] λύεται άμον το χ̌ι͜όνι [νε]
[Κάτ’ έλα, πουλίκα μ’, κάτ’ έλα!]
[Αχ!] Και αναμέν’ να χουλείται, να χουλείται [νέι]
[άι! και] σ’ εγκαλόπον τ’ εσόν -ι
[Κάτ’ έλα, πουλίκα μ’, κάτ’ έλα!]

[Αχ! και -ν-] Αροθυμία σ’ τρώει την ψ̌η μ’ [άι] τρώει την ψ̌η μ’, [νε]
[άι! και -ν-] εγάπη σ’ το κορμόπο μ’ [νε]
[Κάτ’ έλα, Σ̌ιχούνα μ’, κάτ’ έλα!]
[Αχ! και -ν-] Έλα, πουλί μ’, να δί’ς βοτάν’, να δί’ς βοτάν’ [ου]
[άι! και] σ’ έρημον το καρδόπο μ’ [νε]
[Κάτ’ έλα, πουλίκα μ’, κάτ’ έλα!]

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αναμέν’	περιμένει
αροθυμία	νοσταλγία
αροθυμώ	νοσταλγώ
γραμμόπον	γραμματάκι
δί’ς	δίνεις
εγάπη	αγάπη
εγκαλόπον	αγκαλιά, αγκαλίτσα
έρ’ται	έρχεται
εσόν	δικός/ή/ό σου
καρδόπο	καρδούλα
κάτ’ έλα	έλα κάτω
κορμόπο	κορμάκι
λύεται	λιώνει
ου	δεν	ουκί<οὐχί
Σ̌ιχούνα	γυναικείο όνομα
στείλον	(προστ.) στείλε
τελέν’	(μεταβ.) τελειώνω/ει κτ
τιδέν	τίποτα
χουλείται	ζεσταίνεται, θερμαίνεται
ψ̌η	ψυχή