Ανάθεμα σας έρημα

Προβολή Τραγουδιού

Ανάθεμα σε, ξενιτει͜ά
σον τόπο σ’ ντο κρατείς με
[Ντό να ’ίνουμαι;]
Εμαύρυνες το καρδόπο μ’,
εμέν ξάι ’κι πονείς με
[Ντό να ’ίνουμαι;]

Ντό σύρω εγώ η άχαρος
αδά σα μαύρα ξένα
[Ντό να ’ίνουμαι;]
Τη κάκου πώς επέρασεν
ο κόσμος απ’ εμέναν;
[Ντό να ’ίνουμαι;]

Τα τερτόπα ντο σύρω εγώ
σο τσ̌όλ’ την ξενιτείαν
[Ντό να ’ίνουμαι;]
το κιφάλι μ’ εγόμωσαν
άσπρα χ̌ι͜όνι͜α μαλλία
[Ντό να ’ίνουμαι;]

Μερών’ ο Θεόν και βραδύν’,
ομμάτ’ απάν’ ’κι παίρω
[Ντό να ’ίνουμαι;]
Ατσ̌άπ’ τ’ εμόν αούτ’ το χάλ’
ως που θα πάει; ’κι ξέρω
[Ντό να ’ίνουμαι;]

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αούτ’	αυτός/ή/ό/ά
απάν’	πάνω
ατσ̌άπ’	άραγε, αναρωτιέμαι	acep/ʿaceb
βραδύν’	βραδιάζει
εγόμωσαν	γέμισαν
εμαύρυνες	μαύρισες
εμόν	δικός/ή/ό μου	ἐμοῦ
’ίνουμαι	γίνομαι
καρδόπο	καρδούλα
’κι	δεν	οὐκί<οὐχί
κιφάλι	κεφάλι
μερών’	μερώνει, ξημερώνει
ξάι	καθόλου
ομμάτ’	μάτι
παίρω	παίρνω
σύρω	σέρνω, τραβώ, ρίχνω
τερτόπα	(υποκορ.) καημοί, βάσανα, στενοχώριες	dert
τσ̌όλ’	έρημο, ερημικό	çöl
χάλ’	χάλι, κατάντια	hal/ḥall