Εκεί σο πέραν τα ραχιά

Προβολή Τραγουδιού

Εκεί σο πέραν τα ραχ̌ι͜ά
να έμ’νε έναν οξέαν
Θ’ έπλωνα τα κλαδόπα μου,
[τσούνας κουτάβ’]
γιαβρί μ’, σ’ εσέν μερέα

Σην πόρτα σ’ βάλον καρακίδ’,
σο παραθύρι σ’ σκάλα
Σην πόρτα σ’ δος μα φίλεμαν,
[τσούνας κουτάβ’]
σο παραθύρ’ εγκάλι͜α

Εφτά χρόνι͜α ’κι θα κρούγω
σον πρόσωπο μ’ νερόν -ι
Να μη σπογγίζω και χάνω
[τσούνας κουτάβ’]
το φίλεμαν τ’ εσόν -ι

Γλωσσάρι

Κείμενο	Επεξήγηση	Ετυμ. Ρίζα
βάλον	(προστ.) βάλε
γιαβρί	μωρό, μικρό, παιδί	yavru
δος	δώσε
δος μα	δώσε μου
εγκάλι͜α	αγκαλιά
έμ’νε	ήμουν
έπλωνα	άπλωνα, έτεινα
εσόν	δικός/ή/ό σου
καρακίδ’	μάνταλο πόρτας
’κι	δεν	οὐκί<οὐχί
κλαδόπα	κλαδάκια
κρούγω	χτυπώ	κρούω
μερέα	μεριά
οξέαν	οξιά
ραχ̌ι͜ά	ράχες, βουνά
σκάλα	κλίμακα, σκάλα, αποβάθρα λιμανιού, το μέρος μεταξύ των ποδιών της περισκελίδας προς την βουβωνική περιοχή (προσομοιάζει την κορυφή σκάλας προς το κεφαλόσκαλο), ειδικό εξάρτημα της παγίδας πουλιών	scala<scando
σπογγίζω	σκουπίζω
τσούνας	σκύλας	κύων→κύαινα
φίλεμαν	φιλί