Γιά έλα, γιά θα έρχουμαι

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

Γιά έλα, γιά θα έρχουμαι
ση στράταν θ’ απαντώ σε
Εντρέπουμαι να λέγω σε,
πουλόπο μ’, ντ’ αγαπώ σε

Γιά έλα, γιά θα έρχουμαι,
το καρδόπο μ’ ελύεν
Ας ση σεβντάν, αρνί μ’, τ’ εσόν
εκάεν κι εβρουλίεν

Γιά έλα, γιά θα έρχουμαι,
ο νους ι-μ’ εθολώθεν
Ας ση σεβντάν, αρνί μ’, τ’ εσόν
η καρδι͜ά μ’ εματώθεν

Γιά έλα, γιά θα έρχουμαι
οξ̌ουκά ’ς σ’ οσπιτόπο σ’
’Τελέθεν η υπομονή μ’,
χάρτσον με το καρδόπο σ’

Γλωσσάρι

Κείμενο	Επεξήγηση	Ετυμ. Ρίζα
γιά	είτε, ή	ya/yā
εβρουλίεν	φλογίστηκε, κάηκε
εθολώθεν	θόλωσε
εκάεν	κάηκε
ελύεν	λύθηκε, έλιωσε
εματώθεν	ματώθηκε
εντρέπουμαι	ντρέπομαι
έρχουμαι	έρχομαι
εσόν	δικός/ή/ό σου
καρδόπο	καρδούλα
οξ̌ουκά	έξω
οσπιτόπο	σπιτάκι	hospitium<hospes + -όπον
πουλόπο	πουλάκι
’ς	(ας) από
σεβντάν	αγάπη, έρωτα	sevda/sevdā
’τελέθεν	(ετελέθεν) τελείωσε, εξαντλήθηκε
χάρτσον	(προστ.) χάρισε