Τα μαλλία μ’ ντ’ έσπρυναν

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

Τα μαλλία μ’ ντ’ έσπρυναν,
ατό πα, τέρτ’ ’κ’ ευτάγω
Με τα μαύρα έρθα εγώ
και με τ’ άσπρα θα πάγω

Που γερά -ν- ας αποθάν’
να μη τυρα̤ννίεται
Όσον ντο γερά και πάει
το κορμίν ατ’ λύεται

 Τ’ εβδομήντα αν δι͜αβαίν’,
ν’ αηλί π’ εύρεν το κακόν
’Κ’ επορεί να πορπατεί
αν ’κι κρατεί το παστόν’

Κακά τα γεράματα,
τα ποδάρι͜α κόφκουνταν
Άμον γέρ’κα πρόατα
[ντο] ’κ’ επορούν να βόσκουνταν

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
άμον	σαν, όπως, καθώς	ἅμα
αποθάν’	πεθαίνει
βόσκουνταν	βοσκούν
γερά	γερνάει
γέρ’κα	γέρικα
δι͜αβαίν’	(για τόπο) περνάει/ώ, διασχίζει/ω, (για χρόνο) περνάει/ώ	διαβαίνω
επορεί	μπορεί
επορούν	μπορούν
έρθα	ήρθα
έσπρυναν	άσπρισαν
εύρεν	βρήκε
ευτάγω	κάνω, φτιάχνω	εὐθειάζω
’κ’	δεν	οὐκί<οὐχί
’κι	δεν	οὐκί<οὐχί
κόφκουνταν	κόβονται
κρατεί	κρατάει, βαστάει, στέκει, αντέχει
λύεται	λιώνει
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
πα	πάλι, επίσης, ακόμα
παστόν’	μπαστούνι	baston/bastone
ποδάρι͜α	πόδια
πορπατεί	περπατάει
πρόατα	πρόβατα
τέρτ’	καημός, βάσανο, (ονομ.) στενοχώρια	dert
τυρα̤ννίεται	τυραννιέται, ταλαιπωριέται