Προβολή Τραγουδιού
Πουλί μ’, η εγάπ’ τ’ εσόν |
Δεντρόπα πρασινόφυλλα/Πουλί μ’, η εγάπ’ τ’ εσόνΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης
Πουλί μ’, η εγάπ’ τ’ εσόν έκαψεν την ψ̌ην τ’ εμόν ’Δέκε με πελι͜άν τρανόν, εμέν πώς θα παλαλών’! Τ’ ομμάτι͜α σ’ όντες τερώ ’δέν να ’φτάγω ’κ’ επορώ Άπορος είμ’ εμπροστά σ’, έκαψε με η σεβντά σ’ Εμέν ολίγον άγγεψον, γλυκέα καλάτσ̌εψον Πέει με έναν λόγον καλόν την καρδι͜ά μ’ ντο θα λαρών’ Τελείται και στέκ’ η ψ̌η μ’, πυρετός καίει το κατσί μ’ Εύρε με τρανόν πελι͜άν, να ζω άλλο να̤φιλι͜άν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άγγεψον | ανάφερε, μνημόνευσε (προστ.) | ||
| γλυκέα | (επιρρ.) γλυκά | ||
| ’δέκε | έδωσε | ||
| ’δέν | τίποτα | ||
| εγάπ’ | αγάπη | ||
| εμόν | δικός/ή/ό μου | ἐμοῦ | |
| εμπροστά | μπροστά, πρωτύτερα | ||
| επορώ | μπορώ | ||
| εσόν | δικός/ή/ό σου | ||
| εύρε | βρήκε | ||
| ’κ’ | δεν | ουκί<οὐχί | |
| καλάτσ̌εψον | μίλα, συνομίλησε (προστ.) | keleci=καλός λόγος (Παλαιά Τουρκική Ανατολίας) | |
| κατσί | πρόσωπο, μέτωπο | ||
| λαρών’ | γιατρεύει, θεραπεύει | ||
| να̤φιλι͜άν | μάταιο/α, ανώφελο | nafile/nāfile | |
| ομμάτι͜α | μάτια | ||
| όντες | όταν | ||
| παλαλών’ | τρελαίνει | ||
| πέει | πες (προστ.) | ||
| πελι͜άν | βάσανο, σκοτούρα | bela | |
| σεβντά | αγάπη, έρωτας | sevda/sevdā | |
| τελείται | (αμτβ.) τελειώνει, εξαντλείται, μτφ. πεθαίνει | ||
| τερώ | κοιτώ | ||
| ’φτάγω | (ευτάγω) κάνω, φτιάχνω | εὐθειάζω | |
| ψ̌η | ψυχή | ||
| ψ̌ην | ψυχή |
