Δεντρόπα πρασινόφυλλα

Προβολή Τραγουδιού

Δεντρόπα πρασινόφυλλα/Πουλί μ’, η εγάπ’ τ’ εσόν

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

expand_content

Δεντρόπα πρασινόφυλλα,
ποίστεν εμέν εβόρα
[όι, όι, όι! ποίστεν εμέν εβόρα]
Ας σον ήλεν κρυψέστε με
εσείς αδά σην ώραν
[όι, όι, όι! εσείς αδά σην ώραν]

Ίσα τ’ ελάτι͜α τ’ αψηλά,
πάντα πρασινισμένα!
[όι, όι, όι! πάντα πρασινισμένα]
Ατά καμίαν ’κι γερούν,
πάντα είν’ χαρεμένα
[όι, όι ,όι! πάντα είν’ χαρεμένα]

Νασάν εσάς, ψηλά ραχ̌ι͜ά,
ντο ’κ’ έχ̌ετε καρδίαν
[όι, όι, όι! ντο ’κ’ έχ̌ετε καρδίαν]
Κάθαν χρονόν ανθίζετεν,
’κι γεράτεν καμίαν
[όι, όι, όι! ’κι γεράτεν καμίαν]

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ατά	αυτά
γεράτεν	γερνάτε
γερούν	γερνάνε
δεντρόπα	δεντράκια
εβόρα	σκιά, δροσερό μέρος
είν’	(για πληθ.) είναι
ελάτι͜α	έλατα
ήλεν	ήλιος/ήλιο
’κ’	δεν	οὐκί<οὐχί
κάθαν	κάθε
καμίαν	ποτέ
’κι	δεν	οὐκί<οὐχί
κρυψέστε	(προστ.) κρύψτε
νασάν	χαρά σε
ποίστεν	(προστ.) κάντε, φτιάξτε	ποιέω-ῶ
ραχ̌ι͜ά	ράχες, βουνά
χαρεμένα	χαρούμενα