Εγώ για τ’ εσέν μόνο ζω

Προβολή Τραγουδιού

Έρθεν, πουλί μ’, η άνοιξη/Εγώ για τ’ εσέν μόνο ζω

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

Εγώ για τ’ εσέν μόνο ζω
και για τ’ εσέν δουλεύω
Νύχταν ημέρα ση ζωή
με τον Χάρον παλεύω [γιαρ]

Για τ’ εσέν σύρω βάσανα,
για τ’ εσέν σύρω πόνι͜α
Για τ’ εσέν τυρα̤ννίγουμαι,
πουλί μ’, ατόσα χρόνι͜α [γιαρ]

Νυχτοήμεραν για τ’ εσέν
πάντα εγώ νουνίζω
’Κ’ επορώ να κερδαίνω σε,
καίγ̆ουμαι και βρουλίζω [γιαρ]

Γλωσσάρι

Κείμενο	Επεξήγηση	Ετυμ. Ρίζα
βρουλίζω	αναδίδω φλόγα, φλέγομαι, καίγομαι	brûler
γιαρ	αγαπητός/ή/ό, αγάπη	yâr
επορώ	μπορώ
’κ’	δεν	οὐκί<οὐχί
κερδαίνω	κερδίζω
νουνίζω	σκέφτομαι
πόνι͜α	πόνοι
σύρω	σέρνω, τραβώ, ρίχνω
τυρα̤ννίγουμαι	τυραννιέμαι, ταλαιπωρούμαι