Ίμερα μ’, εροθύμεσα

Προβολή Τραγουδιού

Ίμερα μ’, εροθύμεσα/Τ’ ομματοτσι͜άτσι͜α τ’ς είν’ πολλά

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

expand_content

Ίμερα¹ μ’, εροθύμεσα
[ν’ αηλί εμέν!]
ν’ έλεπα τ’ οσπιτόπα σ’ 
[Ούι! ν’ αηλί και βάι, ξαν εμέν!]
Ν’ ελέπω τον Καστρόλιθο² σ’
[ν’ αηλί εμέν!]
και -ν- ούλι͜α τα παρχαρόπα σ’
[Ούι! ν’ αηλί και βάι, ξαν εμέν!]

Ας έμ’ και σον Καστρόλιθον
[ν’ αηλί εμέν!]
και -ν- από καρσ̌ί ετέρ’να
[Ούι! ν’ αηλί και βάι, ξαν εμέν!]
Έλεπα και την Ίμερα,
[ν’ αηλί εμέν!]
τα μουράτι͜α μ’ επαίρ’να
[Ούι! ν’ αηλί και βάι, ξαν εμέν!]

Ίμερα μ’, τ’ οσπιτόπα σου
[ν’ αηλί εμέν!]
σον φέγγον παρλαεύ’νε
[Ούι! ν’ αηλί και βάι, ξαν εμέν!]
Και τη Σαββέλη³ το τοξάρ’
[ν’ αηλί εμέν!]
τα δώματα αραεύ’νε
[Ούι! ν’ αηλί και βάι, ξαν εμέν!]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αραεύ’νε	ψάχνουν, αναζητούν, γυρεύουν	aramak
δώματα	οριζόντιες στέγες σπιτιών
έλεπα	έβλεπα
ελέπω	βλέπω
έμ’	ήμουν
επαίρ’να	έπαιρνα
εροθύμεσα	νοστάλγησα
ετέρ’να	κοιτούσα
καρσ̌ί	απέναντι, αντικρυστά	karşı
μουράτι͜α	επιθυμίες, πόθοι	murat/murād
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξαν	πάλι, ξανά
οσπιτόπα	σπιτάκια	hospitium<hospes
ούλι͜α	όλα
παρλαεύ’νε	λάμπουν, λαμποκοπούν	parlamak
παρχαρόπα	ορεινοί τόποι θερινής βοσκής	παρχάρια + -οπα (υποκορ.)
τοξάρ’	δοξάρι
φέγγον	φεγγάρι

Σημειώσεις

¹ Χωριό της επαρχίας Αργυρουπόλεως του Πόντου
² Καστρόλιθος (ο): μεγάλα βράχια που λόγω του μεγάλου ύψους προξενούν εντύπωση φρουρίου
³ Σαββέλης Γιακουστίδης (1880 Ίμερα-1934 Πανόραμα Θεσ/νίκης), ξακουστός λυράρης της εποχής