Ανάθεμα σε, νε σεβντά

Προβολή Τραγουδιού

Ανάθεμα σε, νε σεβντά,
ντίλεον χρώμαν είσαι;
Κι αδαπέσ’ σο καρδόπο μου
ντίλεον τόπον κείσαι;

Ανάθεμά σε, νε σεβντά,
ας σο καρδόπο μ’ έβγα!
Πόσα τεφτέρι͜α χάλασα;
Τ’ εσόν την άκραν ’κ’ εύρα!

Ανάθεμά σε, νε σεβντά,
το δουκάλ’ σ’ ’κι πιάνω
Ερρούξα απ’ οπίσ’ σ’ εσέν
και την εγάπ’ σ’ θα χάνω

Θα σύρω και σαρεύω σε
με τα σεράντα κάστρα
Εσύ ’κι πεᶥγ̆νεύκεσαι
τον ουρανόν με τ’ άστρα

Κρύον νερόν, κρύον νερόν,
Κρύον κροσταλλιδόπον
Απ’ όθεν κέσ’ θα έρχουμαι
και σ’ εσόν τ’ εγκαλιόπον

Ε! Ουρανέ Παράκλητε
κατήβα κα’ και κρίσον
Εμέν και το σαρίν τ’ αρνί μ’
σ’ ένα μέρος για ποίσον
Εμέν και το μικρόν τ’ αρνί μ’
σ’ ένα μέρος για ποίσον

Γλωσσάρι

Κείμενο	Επεξήγηση	Ετυμ. Ρίζα
αδαπέσ’	εδώ μέσα
άκραν	άκρη, αρχή
δουκάλ’	καπίστρι ζώου
έβγα	(προστ.) βγες
εγάπ’	αγάπη
εγκαλιόπον	αγκαλιά, αγκαλίτσα
ερρούξα	έπεσα
έρχουμαι	έρχομαι
εσόν	δικός/ή/ό σου
εύρα	βρήκα, (ιδιωμ. προστ.) βρες
’κ’	δεν	οὐκί<οὐχί
κα’	κάτω
καρδόπο	καρδούλα
κατήβα	(προστ.) κατέβα
κείσαι	κείτεσαι, ξαπλώνεις
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κρίσον	(προστ.) κρίνε
ντίλεον	τί λογής;
όθεν	όπου, οπουδήποτε, σε όποιον
οπίσ’	πίσω
Παράκλητε	προσωνυμία του Iησού Xριστού και του Aγίου Πνεύματος στην K. Διαθήκη	παράκλητος=συνήγορος
πεᶥγ̆νεύκεσαι	αρέσκεσαι, βρίσκεις της αρεσκείας σου	beğenmek
ποίσον	(προστ.) κάνε, φτιάξε	ποιέω, ποιῶ
σαρεύω	τυλίγω, περικυκλώνω, εναγκαλίζομαι μτφ. αρέσκομαι σε	sarmak
σαρίν	ξανθό, κίτρινο	sarı
σεβντά	αγάπη, έρωτας	sevda/sevdā
σεράντα	σαράντα
σύρω	σέρνω, τραβώ, ρίχνω
τεφτέρι͜α	σημειωματάρια, τετράδια	defter