Πουλί μ’, τ’ εσόν η σεβντά

Προβολή Τραγουδιού

Πουλί μ’ τ’ εσόν η σεβντά/Ανάθεμα σε ξενιτει͜ά

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

expand_content

Πουλί μ’, τ’ εσόν η σεβντά
την καρδία μ’ έκαψεν
Τα στομόχ̌ειλα τ’ εμά
με το αίμα μ’ έβαψεν

Συ επλάστες για τ’ εμέν,
σουμά μ’ πρέπ’ να φέρω σε
Τ’ αχούλι μ’ θα χάν’ ατο
εσέν αν ’κι παίρω σε

Κανείται, μικρόν αρνί μ’,
όσον ντ’ ετυρά̤νντσες με
Με τ’ ινάτι σ’ το τρανόν
έκαψες κι εμάντσες με

Φτύσον τον διάβολον
και αρ’ έλα μετ’ εμέν
Ο κόσμον έν’ ψεύτικον,
ο θάνατον αναμέν’

Γλωσσάρι

Κείμενο	Επεξήγηση	Ετυμ. Ρίζα
αναμέν’	περιμένει
αχούλι	μυαλό	akıl/ʿaḳl
έβαψεν	εμβάπτισε, βύθισε σε υγρό	βάφτω
εμά	δικά μου
εμάντσες	μαύρισες/μουντζούρωσες από την καπνιά, κατέστρεψες, κατέκαψες μέχρι καπνιάς
έν’	είναι
επλάστες	πλάστηκες, δημιουργήθηκες, εμφανίστηκες
εσόν	δικός/ή/ό σου
ετυρά̤νντσες	τυράννησες, ταλαιπώρησες
θάνατον	θάνατος
ινάτι	γινάτι, πείσμα	inat/ʿinād
κανείται	φτάνει, είναι αρκετό
’κι	δεν	οὐκί<οὐχί
μετ’	μαζί με (με αιτιατική), με (τρόπος)
παίρω	παίρνω
σεβντά	αγάπη, έρωτας	sevda/sevdā
σουμά	κοντά
στομόχ̌ειλα	τα χείλια του στόματος
χάν’	χάνει, παύει να έχει, διώχνει