Προβολή Τραγουδιού
Εντώκεν σο νου μ’ το Ντζαμπούλ/Έρθανε ας ση Ρουσίαν |

Στιχουργοί: Νίκος Γεωργιάδης
Συνθέτες: Παραδοσιακό
Καλλιτέχνες: Γιάννης Γεωργιάδης, Νίκος Γεωργιάδης
Χαράντας και πανοΰρι͜α, εμείς, οπίσ’ ’κ’ εφήναμ’ Εντώκεν σο νου μ’ το Ντζαμπούλ και τα παλαλά ντ’ εποίναμ’ Το Ντζαμπούλ πάντα θα έχω σην καρδίαν τ’ εμόν Επαίζαμε κι ετραγώδ’ναμε εμείς ους να μερών’ Κάποτε είχαμε τιμήν, εμείς, τα παλληκάρι͜α Και σην Ελλάδαν έρθαμε, εχάθαμ’ σα παζάρι͜α Παρακαλώ σε, Μαρία, όντας πας ση λαϊκή Για τ’ εμέν πα έπαρ’ μέρος, για τ’ εμέν δέσον σ̌κοινίν Έρθανε ας ση Ρουσία εκατοντάδες παιδία Τραγωδούνε, παίζ’νε λύρας και κρού’νε το νταούλ’ Πολλοί έρθαν ας σο Σοχούμ, κάποιοι είν’ ας σο Ντζαμπούλ Ορωτούν ατ’ς ποίος είστουν και -ν- έρθετεν από που; Σην Ελλάδαν, λένε, έρθαμ’, σην πατρίδαν του παππού Σην Ρουσίαν είχαν τέχνεις, χρυσοχόος και καλλιτέχνης Ο Γιωρίκας οικοδόμος, ο Κωστίκας σουβλατζ̌ής Ο Παναγιώτης χειρούργος, ο Κιόλιαλης λυριτζ̌ής Μόλις έρθαν σην Ελλάδαν εχπάσταν ση λαϊκήν Για να πληρών’νε τη νοίκιν και να τρώνε έναν φαΐν Έρθαν σο Μαναστηράκι Μάνα, ’κ’ εγνωρίζ’ παιδίν Ο ένας έβαλε σανίδι͜α, άλλος έδεσεν σ̌κοινίν Ετίζεψανε τα σ̌κοινία τα παιδία ση σειράν Για να πιάν’νε εκείν’ το μέρος που θα ’βγάλ’νε την παράν Έστρωσαν τα εργαλεία, τα σιντόνια, τα χαλία Τα χαβι͜άρι͜α και τ’ οψάρι͜α και το ρώσικον το μέλ’ -Ας το λέμε μεταξύ μας- Αγορά͜εις η ψ̌η σ’ ντο θέλ’! Έρθαν σούμωσαν οι γύφτοι, λέν’ ατ’ς «ογουλά¹ από δω Ατό έν’ δικό μας μέρος! Εμείς θα πουλάμ’ εδώ! Σην Ελλάδαν εγεννέθαμ’, εμείς είμες Ελλαδότ’ Εσείς να πάτε ση Ρουσίαν, έτοιμον το φεριμπότ» Ερχίνωσαν να τσ̌αΐζ’νε, να κουΐζ’νε και υβρίζ’νε Εθύμωσεν ο Γιωρίκας κρούει τον γύφτον σο μυτίν Ο Κωστίκας κρούει σ’ ομμάτ’ και τσερίζ’ τ’ αλλουνού τ’ ωτίν Η εμπορική δουλεία άρχισεν στραβά να πάει Ο χειρούργος ετοιμάεται εγχείρισις να ευτάει Έρθεν η αστυνομία, επϊάσταν τα παιδία Κουβαλούν τοι γεροντάδες, τοι γραιάδες, τοι νυφάδες Λέν’ τον Γιώργο «θα πας μέσα εσύ, ταυτότητα που ’κ’ έ͜εις» ’Μπέρδεψανε με τοι γύφτους τοι άχαρους τοι Ρωμαίοις Αρ’ αΐκα ιστορίας, γραμμένα με τραγωδίας Ο Γιαννίκον παίζ’ τη λύραν, ο Νικόλας τραγωδεί Και έν’ και κάποιος που ’ξέρ’ όλα και σημασίαν ’κι δί’
Κείμενο | Επεξήγηση | Ετυμ. Ρίζα | Προέλευση |
---|---|---|---|
αγορά͜εις | αγοράζεις | ||
αΐκα | τέτοια/ες | ||
ατ’ς | αυτής, της | ||
’βγάλ’νε | (εβγάλ’νε) βγάλουν | ||
γραιάδες | γριές | ||
δέσον | (προστ.) δέσε | ||
δί’ | δίνει | ||
δουλεία | δουλειά, εργασία | ||
έ͜εις | έχεις | ||
εγεννέθαμ’ | γεννηθήκαμε | ||
εγνωρίζ’ | γνωρίζει | ||
εθύμωσεν | θύμωσε | ||
είμες | είμαστε | ||
είν’ | (για πληθ.) είναι | ||
είστουν | είστε | ||
εκείν’ | εκείνοι/α | ||
εμόν | δικός/ή/ό μου | ἐμοῦ | |
έν’ | είναι | ||
εντώκεν | χτύπησε | ||
έπαρ’ | (προστ.) πάρε | ||
επϊάσταν | πιάστηκαν | ||
εποίναμ’ | κάναμε, φτιάχναμε | ποιέω-ῶ | |
έρθαμ’ | ήρθαμε | ||
έρθαμε | ήρθαμε | ||
έρθαν | ήρθαν | ||
έρθανε | ήρθαν | ||
έρθεν | ήρθε | ||
έρθετεν | ήρθατε | ||
ερχίνωσαν | άρχισαν | ||
ετίζεψανε | έβαλαν στη σειρά, αράδιασαν | dizmek | |
ετραγώδ’ναμε | τραγουδούσαμε | ||
ευτάει | κάνει, φτιάχνει | εὐθειάζω | |
εχπάσταν | αναχώρησαν, κίνησαν για | ||
’κ’ | δεν | οὐκί<οὐχί | |
’κι | δεν | οὐκί<οὐχί | |
κρούει | χτυπάει | κρούω | |
κρού’νε | χτυπούν | κρούω | |
μέλ’ | μέλι | ||
μερών’ | μερώνει, ξημερώνει | ||
μυτίν | μύτη | ||
νταούλ’ | νταούλι | davul/ṭabl | |
νυφάδες | νύφες | ||
ομμάτ’ | μάτι | ||
όντας | όταν | ||
οπίσ’ | πίσω | ||
ορωτούν | ρωτάνε | ||
ους | ως, μέχρι | ||
οψάρι͜α | ψάρια | ὀψάριον < υποκορ. ὄψον (ετοιμασμένη τροφή, προσφάγι, μεζές) | |
πα | πάλι, επίσης, ακόμα | ||
παιδία | παιδιά | ||
παλαλά | τρελά, τρέλες | ||
πανοΰρι͜α | πανηγύρια | ||
παράν | λεφτά, το χρήμα | para/pāre | |
πιάν’νε | πιάνουν | ||
ποίος | (ερωτημ.) ποιός, (αναφ.αντων.) όποιος | ||
Ρουσία | Ρωσία | ||
Ρουσίαν | Ρωσία | ||
Ρωμαίοις | Ρωμιούς | ||
σ̌κοινία | σχοινιά | ||
τοι | τους/τις | ||
τραγωδεί | τραγουδάει | ||
τραγωδίας | τραγούδια | ||
τραγωδούνε | τραγουδάνε | ||
τσ̌αΐζ’νε | φωνάζουν, επιπλήττουν | ||
τσερίζ’ | σκίζει, ξεσκίζει | ||
υβρίζ’νε | βρίζουν | ||
χαράντας | χαρές, γάμοι | ||
ψ̌η | ψυχή | ||
ωτίν | αυτί |
¹ Στη ρομανί (γλώσσα των Ρομά) σημαίνει «εσείς»