Ποντιακός Στίχος

Προβολή Τραγουδιού

Κατεβάστε τους στίχους σε PDF

Εσύ για τ’ εμέν επλάστες

Εσύ για τ’ εμέν επλάστες/Όλα τη ραχ̌ί’ τα νεράΕσύ για τ’ εμέν επλάστες/Όλα τη ραχ̌ί’ τα νερά

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης


Για τ’ εσέν, μικρόν πουλόπο μ’,
’κι γουεύω τη ζωή μ’
Εσύ μαναχόν ευρέθες
να χαρεντερί͜εις την ψ̌η μ’

Εσύ για τ’ εμέν επλάστες
κι εγώ είμαι για τ’ εσέν
Όσο ζούμ’ ο εις τον άλλον
καμίαν να μη πικραίν’

Συ τρανόν χαράν εδέκες
σο πονεμένον την ψ̌η μ’
Για τ’ ατό εγώ αγαπώ σε
κι άλλο πολλά ας ση ζωή μ’

Εσύ για τ’ εμέν επλάστες
κι εγώ είμαι για τ’ εσέν
Όσο ζούμ’ ο εις τον άλλον
καμίαν να μη πικραίν’

Τον κόσμον εμέν εχάρτσες
με την καρδι͜ά σ’ το καλόν
(Κι) Εσύ είσαι για τ’ εμένα
τη γερὰς ι-μ’ ο γιατρόν

Εσύ για τ’ εμέν επλάστες
κι εγώ είμαι για τ’ εσέν
Όσο ζούμ’ ο εις τον άλλον
καμίαν να μη πικραίν’

Πουλόπο μ’, εσέν ’κι αλλάζω
με τ’ ασήμ’ και το χρυσόν
’μέν κι εσέν που θα χωρίζ’ μας
ας ευρήκ’ α̤’ ας σο Θεόν

Εσύ για τ’ εμέν επλάστες
κι εγώ είμαι για τ’ εσέν
Όσο ζούμ’ ο εις τον άλλον
καμίαν να μη πικραίν’
Γλωσσάρι
ΚείμενοΕπεξήγησηΕτυμ. ΡίζαΠροέλευση
α̤’(α̤τό) αυτό, το
γερὰςπληγής yara
γουεύωλυπάμαι, δείχνω έλεος, τσιγκουνεύομαι kıymak
εδέκεςέδωσες
επλάστεςπλάστηκες, δημιουργήθηκες, εμφανίστηκες
ευρέθεςβρέθηκες
ευρήκ’βρίσκω/ει
εχάρτσεςχάρισες
καμίανποτέ
’κιδεν οὐκί<οὐχί
κι άλλο πολλάπερισσότερο, παραπάνω
μαναχόν(έναρθρο) μοναχός, μοναχό, (επίρρ) μόνο/μοναχά
πολλά(επίθ.) πολλά, (επίρρ.) πολύ
πουλόποπουλάκι
χαρεντερί͜ειςχαροποιείς, ψυχαγωγείς
χωρίζ’χωρίζει, ξεχωρίζει, ξεδιαλέγει
ψ̌ηψυχή

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr