Όλεν την νύχταν λάσκουμαι

Προβολή Τραγουδιού

Καλλιτέχνες: Νίκος Ιωαννίδης, Χρύσανθος Θεοδωρίδης

Όλεν την νύχταν λάσκουμαι,
τραγωδώ και σ̌υρίζω
και σο πετεινολάλεμαν
τ’ αρνόπο μ’ εγνεφίζω

Όλεν την νύχταν τραγωδώ,
καμίαν ’κι νυστάζω!
Πουλόπο μ’, ας σον ουρανόν
τ’ άστρο σ’ θα κατηβάζω

Την νύχταν όντες τραγωδώ
τρέξον σο παραθύρι
Τ’ έναν το χ̌έρι σ’ σην λάμπαν,
τ’ άλλο σο καρακίδι

Σην πόρτα σ’ βάλον καρακίδ’,
σο παραθύρι σ’ σκάλαν
Σην πόρτα σ’ δος με φίλεμαν,
σο παραθύρ’ εγκάλι͜αν

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
βάλον	(προστ.) βάλε
δος	δώσε
εγκάλι͜αν	αγκαλιά
εγνεφίζω	ξυπνώ
καμίαν	ποτέ
καρακίδ’	μάνταλο πόρτας
καρακίδι	μάνταλο πόρτας
κατηβάζω	κατεβάζω
’κι	δεν	οὐκί<οὐχί
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
όλεν	όλη/ο, ολόκληρη/ο
όντες	όταν
πετεινολάλεμαν	το λάλημα του πετεινού, η ώρα του χαράματος
πουλόπο	πουλάκι
σ̌υρίζω	σφυρίζω, παίζω αυλό	σῦριγξ
τραγωδώ	τραγουδάω
τρέξον	(προστ.) τρέξε
φίλεμαν	φιλί