Ζωή, πέει με ντ’ εποίκα σε

Προβολή Τραγουδιού

Ζωή, πέει με ντ’ εποίκα σε/Τ’ οσπίτι σ’ ετριύλιζα

Καλλιτέχνες: Κωστίκας Τσακαλίδης, Χρύσανθος Θεοδωρίδης

Ζωή, πέει με ντ’ εποίκα σε
κι ατόσα πόνι͜α δί’ς με;
Θέλω να ζω και χ̌αίρουμαι
κι εσύ πάντα κλαινί͜εις με

Εμέν πολλοί κακολογούν
ντο τραγωδώ και πίνω
Κανείς ’κι ’ξέρ’ πόσον πονώ
και πόσα δάκρυ͜α ’κχ̌ύνω

Πονώ κι η καρδι͜ά μ’ λύεται,
γομών’ τ’ ομμάτι͜α μ’ δάκρυ͜α
Και αραεύω τη χαράν
σ’ έρημα θαλασσάκρι͜α

Γλωσσάρι

Κείμενο	Επεξήγηση	Ετυμ. Ρίζα
αραεύω	ψάχνω, αναζητώ, γυρεύω	aramak
γομών’	γεμίζω/ει
δί’ς	δίνεις
εποίκα	έκανα, έφτιαξα	ποιέω-ῶ
θαλασσάκρι͜α	οι ακροθαλασσιές, τα ακρογιάλια
’κι	δεν	οὐκί<οὐχί
κλαινί͜εις	κάνεις κάποιον να κλάψει, στενοχωρείς
’κχ̌ύνω	εκχύνω, χύνω, εκβάλλω	εκχύνω<ἐγχέω< ἐν + χέω
λύεται	λιώνει
ομμάτι͜α	μάτια
πέει	(προστ.) πες
πόνι͜α	πόνοι
τραγωδώ	τραγουδάω
χ̌αίρουμαι	χαίρομαι