Φαρμακωμένον εγάπ’

Προβολή Τραγουδιού

Καλλιτέχνες: Γιάννης Σανίδης, Παναγιώτης Θεοδωρίδης

expand_content

Εγώ -ν- εδώκα σε -ν- εγάπ’
κι εσύ με τ’ έναν χ̌έρ’
Σην καρδι͜ά μ’ όθεν έχω σε
κρού’ς και καρφώντς μαχ̌αίρ’

Τ’ εσόν η ψ̌η πώς σύρει͜ ατο,
αρνί μ’, και τυρα̤ννί͜εις με;
Κι ατσ̌ά η καρδι͜ά σ’ πώς κρατεί
σαν την χολήν ποτί͜εις με;

Θα αποθάντς με άπονον
και θ’ αραεύ’ς με, μαύ’σσα
Θα ’κχ̌ύντς δάκρυ͜α και θα βαρκί͜εις
«ντό είχα και ντ’ εχάσα»

Όλια ντ’ ευτάς με θα πλερώντς
σ’ αούτ’ αδά τη ζήση
Να ’ξέρτς θα κρίν’ -τ- σε κι ο Θεόν,
την ψ̌η σ’ σαν παραδί͜εις-ι

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αούτ’	αυτός/ή/ό/ά
αποθάντς	πεθάνεις
άπονον	άπονο/η
αραεύ’ς	ψάχνεις, αναζητάς, γυρεύεις	aramak
ατσ̌ά	άραγε	acep/ʿaceb
βαρκί͜εις	κραυγάζεις, θρηνείς γοερά
εγάπ’	αγάπη
εδώκα	έδωσα
εσόν	δικός/ή/ό σου
ευτάς	κάνεις, φτιάχνεις	εὐθειάζω
εχάσα	έχασα
ζήση	η ζωή, ο τρόπος ζωής, ο βίος του ανθρώπου
καρφώντς	καρφώνεις
κρατεί	κρατάει, βαστάει, στέκει, αντέχει
κρού’ς	χτυπάς	κρούω
’κχ̌ύντς	εκχύνεις, χύνεις, εκβάλλεις	εκχύνω<ἐγχέω< ἐν + χέω
μαύ’σσα	(μαύρεσσα) μαύρη μτφ. ταλαιπωρημένη, καημένη
μαχ̌αίρ’	μαχαίρι
’ξέρτς	(εξέρτς) ξέρεις
όθεν	όπου, οπουδήποτε, σε όποιον
όλια	όλα
παραδί͜εις	παραδίνεις, καταδίδεις
πλερώντς	πληρώνεις, εκπληρώνεις
ποτί͜εις	ποτίζεις, δίνεις σε κπ να πιει
τυρα̤ννί͜εις	τυραννάς, ταλαιπωρείς
χ̌έρ’	χέρι
χολήν	θυμό
ψ̌η	ψυχή