Προβολή Τραγουδιού

Ο ρακόποτον

Καλλιτέχνες: Γιάννης Θεοδωρίδης, Κυριάκος Αντωνιάδης

Με το ρακίν ογράσ̌εψαν
σεράντα κι άλλ’ ατόσοι
Είνας εμέν ’κ’ επόρεσεν
ν’ απιδι͜αβαίν’ σην πόσην

Σαν αρχινώ και πίνω,
’κι στέκω σ’ έναν-δύο
Σ’ ευλοημένον το ρακίν
την ψ̌η μ’ θα παραδίγω

Θα ημεροβραδι͜άσκουμαι
μ’ έναν ποτήρ’ σο χ̌έρι
Θα πίνω, πίνω και μεθώ
και ’ίνουμαι κοστέλι

Σαν αρχινώ και πίνω,
’κι στέκω σ’ έναν-δύο
Σ’ ευλοημένον το ρακίν
την ψ̌η μ’ θα παραδίγω

Σο γιάνι μ’ ημ’σοκάρικα
πάντα θέλω να φέρω
Ο κόσμον πα αν χαλάεται,
εγώ χαπέρ’ ’κι παίρω

Σαν αρχινώ και πίνω,
’κι στέκω σ’ έναν-δύο
Σ’ ευλοημένον το ρακίν
την ψ̌η μ’ θα παραδίγω

Γλωσσάρι

Κείμενο	Επεξήγηση	Ετυμ. Ρίζα
απιδι͜αβαίν’	φεύγω/ει, αφήνω/ει πίσω, προσπερνώ/ά, ξεπερνώ/ά	από + διαβαίνω
γιάνι	πλάι, πλευρό	yan
είνας	ένας/μία
επόρεσεν	μπόρεσε
ευλοημένον	ευλογημένο
ημ’σοκάρικα	μισοκάρικα, μπουκάλια περιέχοντα μισή οκά κρασί (σημ. 640 γρ)
’ίνουμαι	γίνομαι
’κ’	δεν	ουκί<οὐχί
’κι	δεν	ουκί<οὐχί
κοστέλι	(κυριολεκτικά) το στέλεχος φυτού, διάβροχο πράγμα, μουσκίδι, μτφ. λιώμα στο ποτό
ογράσ̌εψαν	πάσχισαν, πάλεψαν (αμεταβ)	uğraşmak
πα	πάλι, επίσης
παίρω	παίρνω
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεράντα	σαράντα
χαλάεται	χαλάει, καταστρέφεται
χαπέρ’	είδηση, νέο	haber/ḫaber
ψ̌η	ψυχή