O πρόσωπος σ’ τραντάφυλλον

Προβολή Τραγουδιού

Ο πρόσωπο σ’ τραντάφυλλον,
[και -ν-/ξαν] αρνόπο μ’, έλα -ν- έλα
Σα μὲσα σ’ να τυλίγουμαι,
[και/ξαν] τέρ’ με ψ̌ήκα μ’ και γέλα

Τ’ ομματόπα σ’, γιαρ, έμορφα,
[και/ξαν] τ’ οφρύδι͜α σ’ πογιαμάδες
Σο πόι σ’ γουρπάν’ να ’ίν’ντανε
[ξαν και] δεκαοχτώ γιοσμάδες

Ατά τ’ ομμάτι͜α σ’ που ελέπ’,
[και/ξαν] πώς να μην παλαλούται;
Άψιμον να έν’ καίγ̄εται,
[ξαν και/ξαν] κρεμός να έν’ σκοτούται

Ση κεμεντζ̌ές ι-μ’ σο κιφάλ’
[και/ξαν] πουλίν ’κι κοντουρεύω
Τα έμορφα τα κοράσ̌ι͜α,
[ξαν και -ν-] αρνί μ’, θα καντουρεύω

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
ατά	αυτά
άψιμον	φωτιά
γιαρ	αγαπητός/ή/ό, αγάπη	yâr
γιοσμάδες	κομψοί, λεβέντες νέοι	yosma
γουρπάν’	θυσία	kurban/ḳurbān
ελέπ’	βλέπει/βλέπω
έμορφα	όμορφα
έν’	είναι
’ίν’ντανε	γίνονται
καντουρεύω	ξεγελάω, εξαπατάω, κοροϊδεύω	kandırmak
κεμεντζ̌ές	λύρας	kemençe/kemānçe
’κι	δεν	οὐκί<οὐχί
κιφάλ’	κεφάλι
κοντουρεύω	τοποθετώ, βάζω πάνω	kondurmak
κοράσ̌ι͜α	κορίτσια
κρεμός	γκρεμός
μὲσα	(τα) η μέση
ξαν	πάλι, ξανά
ομμάτι͜α	μάτια
ομματόπα	ματάκια
οφρύδι͜α	φρύδια
παλαλούται	τρελαίνεται
πογιαμάδες	βαφές μτφ. βαμμένα	boyama
πόι	ύψος, μπόι	boy
σκοτούται	σκοτώνεται
τέρ’	(προστ.) κοίταξε
τραντάφυλλον	τριαντάφυλλο
τυλίγουμαι	τυλίγομαι
ψ̌ήκα	ψυχούλα