Ομάλ Σουρμένων

Προβολή Τραγουδιού

Ιάσων | Σκοποί και τραγούδια από τη Μαύρη Θάλασσα

Καλλιτέχνες: Αλέξανδρος Παρχαρίδης, Φίλιππος Κεσαπίδης

Ας σ’ Οξ̌όχ¹ φανερούται
η Φουτσάνη², τ’ Άσπαλο³
Άντα ελέπω τη σεβντι͜ά μ’
το ντουνιά μ’ ανασπάλλω

Ας σο κομ έχ̌’ κι έρχουμαι,
κολογκύθι͜α φορτούμαι
Ντ’ επέρα σε, ε πατσή,
ν’ εξέρ’να να εσκοτούμ’νε!

Εγώ είμαι έμορφος,
κοντοπερ’μένω εμπρός
Άμον μαύρον εσ̌κεπίδ’
να δάκω το μάγουλο σ’

Ε! γαρδέλ’, για άφ’σον με,
ξάι ’κ’ εξέρεις το τέρτι μ’
Αν ου παίρω εσένα,
να φουρκίζω τον κεντί μ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ανασπάλλω	ξεχνώ
άντα	όταν
ας σ’	(ας σου) από του, από τότε που/αφότου, (ας σο) από το/τα
άφ’σον	(προστ.) άφησε
γαρδέλ’	μικρό παιδί	cardellino (ιταλ)<cardello<cardellus<carduelis (λατινική)
δάκω	δαγκώνω
ελέπω	βλέπω
έμορφος	όμορφος/η
εξέρ’να	ήξερα, γνώριζα
επέρα	πήρα
έρχουμαι	έρχομαι
εσ̌κεπίδ’	σφήκα
εσκοτούμ’νε	σκοτωνόμουν
έχ̌’	έχει
έχ̌’ κι έρχουμαι	είμαι στον ερχομό, έρχομαι
’κ’	δεν	οὐκί<οὐχί
κεντί	εαυτό(ς), (ως επιρρ.) κατά πρόσωπο, δια ζώσης	kendi
κολογκύθι͜α	κολοκύθια
κομ	στάνη, αχυρώνας, αγρόκτημα	kom<գոմ (ή/και) εκ των κώμη, kūmh (περσ.)=περίφραξη, κλουβί
ντουνιά	κόσμο	dünya/dunyā
ξάι	καθόλου
ου	δεν	ουκί<οὐχί
παίρω	παίρνω
πατσή	αδελφή, κόρη (ως προσφώνηση γυναίκας γενικά)	bacı
σεβντι͜ά	έρωτα, αγάπη	sevda/sevdā
τέρτι	καημός, βάσανο, στενοχώρια	dert
φανερούται	φανερώνεται
φορτούμαι	φορτώνομαι
φουρκίζω	πνίγω

Σημειώσεις

¹ (Okşoho ή Ohşoho < οξιά, σημ. Pınarbaşı) Χωριό της περιοχής Πενταχωρίου (Beşkoy) Σουρμένων	
² (Futsaniyos ή Yamaç mahalle, Φουτσανί -το) Πρώην ονομασία οικισμού στα Σούρμενα. Σήμερα έχει ενσωματωθεί στο χωριό Büyük Doğanlı της περιοχής Πενταχωρίου (Beşkoy) Σουρμένων
³ (Aspalo ή Asmalı mahalle) Πρώην ονομασία οικισμού στα Σούρμενα. Σήμερα έχει ενσωματωθεί στο χωριό Büyük Doğanlı της περιοχής Πενταχωρίου (Beşkoy) Σουρμένων