’Κι θέλω άσπρα μάγουλα

Προβολή Τραγουδιού

Καλλιτέχνες: Παναγιώτης Ασλανίδης, Πόλιος Παπαγιαννίδης

expand_content

’Κι θέλω άσπρα μάγουλα
και μακρέα μαλλία
Ατά είν’ ντ’ ετσ̌ουρούεψαν
και / αρ’ τ’ εμόν την καρδίαν

Την έμορφον ολ’ αγαπούν,
σαεύ’νε το χατίρ’ν ατ’ς
Την άσ̌κεμον κανείς ’κι θέλ’,
όλ’ βλαστημούν τον κύρ’ν ατ’ς

Έμορφος είσαι έμορφος,
η μαχαλά σ’ τιμά σε
Αρ’ όσον ντ’ αγαπώ σε εγώ,
η μάνα σ’ ’κι αγαπά σε!

Αν θέλω τρώγω ξύγαλαν
κι αν θέλω πίνω γάλαν
Αν θέλω παίρω έμορφον,
αν θέλω παίρω λάλαν

Γλωσσάρι

Κείμενο	Επεξήγηση	Ετυμ. Ρίζα
άσ̌κεμον	άσχημο, κακότροπο
ατά	αυτά
ατ’ς	αυτής, της
είν’	(για πληθ.) είναι
εμόν	δικός/ή/ό μου	ἐμοῦ
έμορφον	όμορφο
έμορφος	όμορφος/η
ετσ̌ουρούεψαν	σάπισαν, φθάρθηκαν, έλιωσαν	çürümek
’κι	δεν	οὐκί<οὐχί
κύρ’ν	κύρη, πατέρα
μακρέα	(επιθ.) μακριά
μαχαλά	γειτονιά	mahalle/maḥalle
ξύγαλαν	ξινόγαλο	ὀξύγαλα
όλ’	όλοι/α
παίρω	παίρνω
σαεύ’νε	υπολογίζουν, εκτιμούν, λογαριάζουν	saymak
χατίρ’ν	χάρη, σεβασμός, υπόληψη	hatır/ḫāṭir