Ίμερα μ’, εροθύμεσα

Προβολή Τραγουδιού

Καλλιτέχνες: Μπάμπης Ιορδανίδης, Παναγιώτης Ασλανίδης

Ίμερα¹ μ’, εροθύμεσα
[ν’ αηλί εμέν!]
να ελέπω τ’ οσπιτόπα σ’
[Ωφ! ν’ αηλί και βάι, ξαν, εμέν]
Να ελέπω τον Καστρόλιθο² σ’
[ν’ αηλί εμέν!]
κι όλια τα παρχαρόπα σ’
[Ωφ! ν’ αηλί και βάι, ξαν, εμέν]

Εκάθουμ’ σον Καστρόλιθο σ’
[ν’ αηλί εμέν!]
κι απαγκέσ’ σα γωνέα σ’
[Ωφ! ν’ αηλί και βάι, ξαν, εμέν]
Τα ’μάραντα εσκουντούλιζαν
[ν’ αηλί εμέν!]
κι ασ’ όλια τα μερέας
[Ωφ! ν’ αηλί και βάι, ξαν, εμέν]

Να εκάθουμ’ σον Καστρόλιθο σ’
[ν’ αηλί εμέν!]
κι από καρσ̌ί ετέρ’να
[Ωφ! ν’ αηλί και βάι, ξαν, εμέν]
Να έλεπα την Ίμεραν,
[την Ίμεραν]
τα μουράτι͜α ν’ επαίρ’να
[Ωφ! ν’ αηλί και βάι, ξαν, εμέν]

Ίμερα, τ’ οσπιτόπα σου
[ν’ αηλί εμέν!]
σον ήλεν παρλαεύ’νε
[Ωφ! ν’ αηλί και βάι, ξαν, εμέν]
και τη Σαββέλη³ το τοξάρ’
[άι! το τοξάρ!]
τα δώματα αραεύ’νε
[Ωφ! ν’ αηλί και βάι, ξαν, εμέν]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
απαγκέσ’	πάνω εκεί πέρα
αραεύ’νε	ψάχνουν, αναζητούν, γυρεύουν	aramak
ασ’	από
δώματα	οριζόντιες στέγες σπιτιών
εκάθουμ’	καθόμουν
έλεπα	έβλεπα
ελέπω	βλέπω
επαίρ’να	έπαιρνα
εροθύμεσα	νοστάλγησα
εσκουντούλιζαν	ευωδίαζαν
ετέρ’να	κοιτούσα
ήλεν	ήλιος/ήλιο
καρσ̌ί	απέναντι, αντικρυστά	karşı
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
μερέας	μεριές
μουράτι͜α	επιθυμίες, πόθοι	murat/murād
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξαν	πάλι, ξανά
όλια	όλα
οσπιτόπα	σπιτάκια	hospitium<hospes
παρλαεύ’νε	λάμπουν, λαμποκοπούν	parlamak
παρχαρόπα	ορεινοί τόποι θερινής βοσκής	παρχάρια + -οπα (υποκορ.)
τοξάρ’	δοξάρι

Σημειώσεις

¹ Χωριό της επαρχίας Αργυρουπόλεως του Πόντου
² Καστρόλιθος (ο): μεγάλα βράχια που λόγω του μεγάλου ύψους προξενούν εντύπωση φρουρίου
³ Σαββέλης Γιακουστίδης (1880 Ίμερα-1934 Πανόραμα Θεσ/νίκης), ξακουστός λυράρης της εποχής