Η Ματσούκα χιλέμορφος

Προβολή Τραγουδιού

Η Ματσούκα χ̌ιλέμορφος
έν’ τ’ εμόν η πατρίδα
Έρθαν κι εδέβαν τα χρόνια
κι άλλο -ν- ατέναν ’κ’ είδα

Να έμ’ αητέντς κι επέτανα
με τ’ εμά τα κανάτι͜α
Ση Ματσούκα να ’κόνευα
σ’ ορμία, σα τσ̌ακάτι͜α

Να έμ’ αητέντς κι επέτανα,
να έλεπα αλλομίαν
Παρχάρι͜α  κρύα τα νερά,
τ’ έμορφα τα χωρία

Να έλεπα τα μέρι͜α μουν
με τα ψηλά τ’ ελάτι͜α
Να επαρεθυμι͜άγουμ’νε,
να επαίρ’να μουράτι͜α

Να λάσκουμαι σα μέρι͜α μουν,
Ματσούκα μ’, σα γιαζία σ’
Πώς ονειροπαρέρθα ’γώ;
Θα τρώει με αροθυμία σ’

[Και] Τα μοναστήρι͜α έρημα,
τα καμπάνας ’κι κρούγ’νε
κι αγράνεμον όντες φυσά,
κλαίν’ και μοιρολογούνε

Γλωσσάρι

Κείμενο	Επεξήγηση	Ετυμ. Ρίζα
αγράνεμον	άγριος άνεμος
αητέντς	αητός
αλλομίαν	άλλη μια φορά
αροθυμία	νοσταλγία
ατέναν	αυτήν
γιαζία	πεδιάδες, εξοχή, ύπαιθρος	yazı
εδέβαν	(για τόπο) πέρασαν, διέσχισαν, (για χρόνο) πέρασαν	διαβαίνω
ελάτι͜α	έλατα
έλεπα	έβλεπα
έμ’	ήμουν
εμά	δικά μου
εμόν	δικός/ή/ό μου	ἐμοῦ
έμορφα	όμορφα
έν’	είναι
επαίρ’να	έπαιρνα
επαρεθυμι͜άγουμ’νε	απέβαλλα/ξεπερνούσα τη νοσταλγία
επέτανα	πετούσα
έρθαν	ήρθαν
’κ’	δεν	οὐκί<οὐχί
καμπάνας	(ον.πληθ., τα) καμπάνες
κανάτι͜α	φτερά	kanat
’κι	δεν	οὐκί<οὐχί
’κόνευα	(εκόνευα) ήμουν εγκαταστημένος, φώλιαζα, προσγειωνόμουν
κρούγ’νε	χτυπούνε	κρούω
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μέρι͜α	μέρη
μουν	μας
μουράτι͜α	επιθυμίες, πόθοι	murat/murād
ονειροπαρέρθα	μου φάνηκε σαν όνειρο, ονειροπόλησα
όντες	όταν
ορμία	ρυάκια, ρεματιές
παρχάρι͜α	ορεινοί τόποι θερινής βοσκής
τσ̌ακάτι͜α	φρέσκοι βλαστοί σπαρτών φυτών που φυτεύονται το φθινόπωρο	ceğet
χ̌ιλέμορφος	χιλιόμορφος/η
χωρία	χωριά