Προβολή Τραγουδιού

Να ’ίνεσαι τριαντάφυλλον

Καλλιτέχνες: Θόδωρος Παυλίδης, Παναγιώτης Ασλανίδης

Να ’ίνεσαι τριαντάφυλλον,
σο χ̌έρι μ’ να κρατώ σε -ν
Όντες θέλω μυρίσκουμαι,
όντες θέλω φιλώ σε -ν

Όλεν τη νύχταν σ’ όρωμα μ’,
πουλί μ’, εσέν ελέπω
ντο κείσαι σ’ εγκαλιόπο μου
και τα μαλλία σ’ πλέκω

Αν θέλτς, πουλί μ’, πάντα να ζω
και πάντα να ελέπ’ς με -ν
Με το γλυκύν την καλατσ̌ή σ’
τ’ εμόν είσαι να λες με -ν

Γλωσσάρι

Κείμενο	Επεξήγηση	Ετυμ. Ρίζα
γλυκύν	γλυκιά/ό
εγκαλιόπο	αγκαλίτσα
ελέπ’ς	βλέπεις
ελέπω	βλέπω
εμόν	δικός/ή/ό μου	ἐμοῦ
θέλτς	θέλεις
’ίνεσαι	γίνεσαι
καλατσ̌ή	ομιλία, συνομιλία, συζήτηση	keleci=καλός λόγος (Παλαιά Τουρκική Ανατολίας)
κείσαι	κείτεσαι, ξαπλώνεις
όλεν	όλη/ο, ολόκληρη/ο
όντες	όταν
όρωμα	όνειρο