Ποντιακός Στίχος

Προβολή Τραγουδιού

Κατεβάστε τους στίχους σε PDF

Ξ̌ι, ξ̌ι, τα κοσσάρας

25 χρόνια Ασλανίδης - 30 χρόνια VASIPAP25 χρόνια Ασλανίδης - 30 χρόνια VASIPAP

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Μπάμπης Ιορδανίδης, Παναγιώτης Ασλανίδης


Στερέα μ’, εροθύμεσα
στείλο με το μαντίλι σ’
Ας έμ’ πουλίν κι επέτανα
έρχουμ’ σο παραθυρί σ’

Ξ̌ι, ξ̌ι, ξ̌ι τα κοσσάρας,
χάι, χάι τα πετεινάρι͜α
Λες με «σούκ’ και δέβα πλάν»
και σα πετεινολάλι͜α

Ας έμ’ πουλίν κι επέτανα
κι έρχουμ’ σο παραθύρι σ’
Εδίν’νες με και -ν- έπινα
νερόν ας σο ποτήρι σ’

Ξ̌ι, ξ̌ι, ξ̌ι για πέταξον
και κόνεψον/τσ̌όκεψον σ’ ωμία μ’
Ατό τ’ ομματοτέρεμα σ’
έκαψεν την καρδία μ’

Ας έμ’ πουλίν κι επέτανα,
ας έμ’ αητέντς κι επέγ̆’να
’Θέκ’να σε σα φτερούλια μου
κι επέγ̆’να όθεν εθέλ’να

Ξ̌ι, ξ̌ι, ξ̌ι τα κοσσάρας,
χάι, χάι σον Αε-Σέρ’-ι
Οψέ ους να εμέρωσεν
εκείσ’νε απάν’ σο χ̌έρι μ’
Γλωσσάρι
ΚείμενοΕπεξήγησηΕτυμ. ΡίζαΠροέλευση
Αε-Σέρ’Αη-Σέργιο
αητέντςαητός
απάν’πάνω
δέβα(προστ.) πήγαινε
εδίν’νεςέδινες
εθέλ’ναήθελα
εκείσ’νεκειτόσουν, ξάπλωνες
έμ’ήμουν
εμέρωσενξημέρωσε
επέγ̆’ναπήγαινα
επέταναπετούσα
εροθύμεσανοστάλγησα
έρχουμ’ερχόμουν
’θέκ’να(εθέκ’να) έθετα, τοποθετούσα, έβαζα
κόνεψον(προστ.) εγκαταστήσου, φώλιασε, προσγειώσου konmak
κοσσάρας(πληθ.) κότες, (γεν.) κότας, οι κλώσσες (ιδιωμ.Νικόπολης)
όθενόπου, οπουδήποτε, σε όποιον
ομματοτέρεμαβλέμμα, ματιά
ουςως, μέχρι
οψέχθες
πέταξον(προστ.) πέταξε
πετεινάρι͜α(υποκορ.) πετεινοί
πετεινολάλι͜αχαράματα, η ώρα που λαλούν οι πετεινοί
πλάνπλάι, πλαϊνό/ παρακείμενο μέρος, παραπέρα
σούκ’(προστ.) σήκω
στείλο(προστ.) στείλε
στερέαστήριγμα
τσ̌όκεψονκατάπεσε, επικάθησε, κλίνε υπό το βάρος çökmek
ωμίαώμοι

Ποντιακός Στίχος - Pontian Lyrics 2025

Τραγούδια: 9575 | Albums/Singles: 1694 | Συντελεστές: 1994 | Λήμματα: 15802
Επικοινωνία: infoDUMMY@pontianlyrics.gr