Ατό κοιμάται -ν- αψηλά

Προβολή Τραγουδιού

Καλλιτέχνες: Γιώργος Σοφιανίδης, Παναγιώτης Ασλανίδης

Ατό κοιμάται -ν- αψηλά
και σ’ άσπρα τα κρεβάτι͜α
Την καρδι͜ά μ’ ετσ̌ουρούεψα
σ’ ατεινές τα σοκάκια

Πας̌ κ’ είσαι πολλά έμορφος
γιά πολλά τσ̌αλιμλίσσα;
Το στούδι σ’ αγαπίεται,
μικρέσσα μ’ τρυγονίτσα μ’

Χτέντσον κι αποδελίασον
τα μαύρα τα μαλλία σ’
Λύσον το σπαρελόπο σου,
έπαρ’ με απέσ’ σα ψ̌ήα σ’

Γλωσσάρι

Κείμενο	Επεξήγηση	Ετυμ. Ρίζα
αγαπίεται	αγαπιέται
απέσ’	μέσα
αποδελίασον	(προστ.) ξεμπέρδεψε, λύσε
ατεινές	αυτηνής
γιά	είτε, ή	ya/yā
έμορφος	όμορφος/η
έπαρ’	(προστ.) πάρε
ετσ̌ουρούεψα	έφθειρα, σάπισα	çürümek
λύσον	(προστ.) λύσε
μικρέσσα	μικρή, νεαρή
πας̌	μήπως, μπας και, είναι δυνατόν, μην τύχει (και)	μήν πᾶς
πολλά	(επίθ.) πολλά, (επίρρ.) πολύ
σπαρελόπο	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
στούδι	οστό, κόκκαλο	ὀστοῦν~οστούδιον
το στούδι σ’ αγαπίεται	(εκφ.) αγαπιέται ο χαρακτήρας, το μέσα σου
τρυγονίτσα	(υποκορ.) το πουλί τρυγόνι, χαϊδευτική προσφώνηση γυναίκας
τσ̌αλιμλίσσα	επιδέξια (σε χορό κ.ά.), σκερτσόζα	çalımlı
χτέντσον	(προστ.) χτένισε
ψ̌ήα	ψυχές, η περιοχή του στέρνου, τα εσώψυχα