Σεράντα μήλα κόκκινα

Σεράντα μήλα κόκκινα,
[πουλί μ’/γιάβρι μ’]
σ’ έναν μαντίλ’ δεμένα
Σεράντα σέβντας κι αν ευτάς
[πουλί μ’/γιάβρι μ’]
’κ’ ευρήκ’ς άμον εμέναν

Για έλα, έλα, πουλί μ’
Μετ’ εμέν έλα, γιάβρι μ’
Ατό τ’ εσόν το τέρεμαν, πουλί μ’,
θα σύρ’ και παίρ’ τ’ αχούλι μ’

Σεράντα μήλα κόκκινα
[πουλί μ’/γιάβρι μ’]
σην σειράν τιζεμένα
Έπαρ’, αρνί μ’, και τη στράταν
[πουλί μ’/γιάβρι μ’]
ντο θα φέρ’-τ- σε σ’ εμέναν

Για έλα, έλα, πουλί μ’
Μετ’ εμέν έλα, γιάβρι μ’
Ατό τ’ εσόν το τέρεμαν, πουλί μ’,
θα σύρ’ και παίρ’ τ’ αχούλι μ’